Nahum 1:5 - Marahay na Bareta Biblia

⁵ Minalinog an kabukidan sa atubangan nin Kagurangnan; natutunaw an kabubuldan. Kun minatunga an Kagurangnan tinatakigan an kinaban; minakubogkubog an daga asin an mga tawong nag-eerok diyan.

Nahum 1:5 ပူးပေါင်းရင်းမြစ်များ

2 Samuel 22:8

Dangan nagtakig asin natanyog an daga; nagtakig asin natanyog man an mga pundasyon kan kalangitan, huli ta naanggot an Dios.

An Libro ni Job 26:11

Sa saiyang pagsagwe, an mga harigi nin kalangitan tinatakigan.

An Libro ni Job 9:5

Mayong patanid na hinihiro niya an kabukidan asin sa kaanggotan, tinutunaw niya an mga iyan.

Salmo 104:32

Hinihiling niya an daga, asin ini tinatakigan; dinudutaan niya an mga bukid, asin ini minaaso.

Salmo 114:4

An mga bukid luminukso siring sa mga karnero, an mga bulod luminukso siring sa mga kordero.

Salmo 114:6

Kamong mga bukid, tadaw ta luminukso kamo siring sa mga karnero? Kamong mga bulod, ta luminukso kamo siring sa mga kordero?

Salmo 18:7

Dangan nagtakig asin natanyog an daga; nagtakig asin natanyog man an mga pundasyon kan kabukidan, huli ta naanggot an Dios.

Salmo 18:8

Aso nagluwas hale sa saiyang dungo, nanghahalon na kalayo saka naglalaad na baga hale sa saiyang ngoso.

Salmo 46:6

Nagkakatarakot an mga nasyon, nagtatarakig an mga kahadean; nagdadaguldol an Dios asin natutunaw an daga.

Salmo 68:8

naglinog an daga, nag-uran an kalangitan sa presensya nin Dios; naglinog an Sinai sa presensya nin Dios, an Dios nin Israel.

Salmo 98:7

Maghagubohob an dagat asin an gabos na yaon diyan; an kinaban asin an gabos na nag-eerok diyan.

Exodo 19:18

Napatos nin aso an bukid huli ta naghilig duman an Kagurangnan sa porma nin kalayo. Nag-itaas an aso arog sa aso nin sarong horno asin naglinog nin makosog an bilog na bukid.

Isaias 24:1

Raraoton nin Kagurangnan an kinaban asin babayaan niya iyan na mamondo. Bibiribidon niya an ibabaw kan daga asin iwawarak niya an mga tawo.

Isaias 24:20

Siring sa sarong burat, masayasay an daga asin masayaw siring sa payag kun igwa nin bagyo. Nagagabatan an kinaban kan saiyang mga kasalan; mabagsak iyan asin dai na makakabangon.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Jeremias 4:24

Hiniling ko an kabukidan—nagkokonogkonog an mga ini, asin an gabos na kabubuldan garong naglilinog.

Ezekiel 38:20

An lambang sira, an lambang gamgam, asin an lambang hayop, dakula man o sadit, patin an gabos na tawo sa ibabaw nin daga magtatarakig huli sa takot sako. Marurumpag an kabukidan, mabagsak an mga ampas asin maroronot an lambang kudal.

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Amos 9:5

An kinaban dinudutaan nin Kagurangnan, an Dios nin mga hukbo, asin tinatakigan iyan; an gabos na nag-eerok diyan nagmomondo. An bilog na daga minaitaas asin minaibaba arog sa Salog nin Nilo.

Mikas 1:4

Matutunaw an kabukidan sa irarom niya arog kan taro sa kalayo; maburulos sinda pasiring sa mga kapantayan siring sa tubig na nagbubulos hale sa bulod.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Zacarias 4:7

Magin arog man sa bukid kadakula an olang sa atubangan mo, mawawara iyan. Ika an mapatindog giraray kan Templo, asin mantang ipinapamugtak mo an huring gapo, makurahaw an mga tawo nin, ‘Magayon, magayon!’”

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

Mateo 27:51

Dangan nabanga an kurtina kan Templo poon sa itaas sagkod sa ibaba. Naglinog sa bilog na daga asin nagkabaraak an mga gapo.

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

Kapahayagan 6:14

Napara an langit arog sa nalukot na banig asin an gabos na bukid saka isla nahale sa saindang mga namumugtakan.

Hukom 5:5

Sa atubang nin Kagurangnan nagtakig an mga bukid, an Sinai, sa atubang nin Kagurangnan Dios nin Israel.