Nahum 1:4 - Marahay na Bareta Biblia

⁴ Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Nahum 1:4 ပူးပေါင်းရင်းမြစ်များ

Genesis 8:1

Dai nalingawan nin Dios si Noe asin an gabos na hayop na kaibahan niya sa arka; pinahoyop niya an doros asin nagpoon magkulpa an tubig.

2 Samuel 22:16

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon nin Kagurangnan an saiyang mga kaiwal, asin kurahawan sinda sa kaanggotan.

An Libro ni Job 38:11

Sinabihan ko an dagat, ‘Sagkod ka sana digdi, asin dai maglampas! Digdi maontok an saimong darakulang mga alon.’

Salmo 104:7

Sa pagsagwe mo an mga tubig duminurulag; nagharale pakadangog kan saimong daguldol.

Salmo 106:9

Pinagbotan niya an Dagat na Pula, kaya ini nagin mamara. Pinangenotan niya sinda sa paglakaw sa kairaroman, na garo naglalakaw sa desyerto.

Salmo 114:3

Huminiling an Dagat na Pula asin duminulag; an Salog nin Jordan suminibog.

Salmo 114:5

Ano an nangyari saimo, O Dagat, ta ika duminulag? Asin ika, O Jordan, ta ika suminibog?

Salmo 18:16

Hale sa itaas, ginawagaw ako nin Kagurangnan asin kinapotan; hinawas niya ako sa hararom na katubigan.

Salmo 74:15

Pinabulos mo an mga sapa saka burabod; pinamara mo an mga darakulang salog.

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 42:15

Raraoton ko an kabubuldan saka kabukidan asin papaalangon ko an mga doot saka kakahoyan. Gigibohon kong mga desyerto an mga salog asin papamarahon ko an mga sapa nin tubig.

Isaias 44:27

Huli sa sarong pagboot pinaalang ko an dagat.

Isaias 51:10

Ika man an nagpamara kan dagat dangan naggibo nin dalan sa katubigan, nganing makabalyo idtong saimong iliniligtas.

Ezekiel 30:12

Papamarahon ko an Salog nin Nilo asin ibubugtak ko an Egipto sa irarom kan pamamahala nin maraot na mga tawo. An bilog na nasyon raraoton nin mga dayuhan. Ako, an Kagurangnan, an nagtaram.”

Ezekiel 38:20

An lambang sira, an lambang gamgam, asin an lambang hayop, dakula man o sadit, patin an gabos na tawo sa ibabaw nin daga magtatarakig huli sa takot sako. Marurumpag an kabukidan, mabagsak an mga ampas asin maroronot an lambang kudal.

Amos 1:2

Nagsabi si Amos, “Nagtataram sa makosog na tingog an Kagurangnan hale sa Bukid nin Sion; nagdadaguldol an saiyang tingog hale sa Jerusalem. Naaalang an mga pasabsaban, asin naluluyos an mga doot sa Bukid nin Carmelo.”

Amos 5:8

An Kagurangnan an naggibo kan mga bitoon, kan Pleiades asin kan Orion. Pinapangagin niyang kaliwanagan an kadikloman, asin an aldaw pinapangagin niyang banggi. Inaapod niya an katubigan kan dagat dangan inuula niya iyan sa kinaban. Kagurangnan an saiyang ngaran.

Mateo 8:26

Sinabihan sinda ni Jesus, “Tadaw ta natatakot kamo? Mga maluya an pagtubod!” Nagbangon si Jesus, pinagbotan niyang magkalma an doros saka an alon, dangan nagkaigwa nin dakulang katoninongan.

Josue 3:16

nag-ontok sa pagbulos an tubig asin nagtambak sa harayong lugar, duman sa Adam, an syudad na kataed kan Zaretan. Nag-ontok sa pagbulos paibaba an tubig na pasiring sa Gadan na Dagat, asin nakabalyo harani sa Jerico an mga tawo.