Nahum 1:3 - Marahay na Bareta Biblia

³ An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Nahum 1:3 ပူးပေါင်းရင်းမြစ်များ

2 Samuel 22:10

Binuka niya an kalangitan dangan huminilig siya; maitom na panganoron nasa irarom kan saiyang mga bitis.

Nehemias 9:17

Habo sindang magkuyog, asin liningawan ninda an mga ngangalasan na ginibo mo para sainda. Sa kapaabaw-abawan pinili ninda an sarong lider, na madara sainda pabalik sa kaoripnan sa Egipto. Alagad ika sarong Dios na nagpapatawad; maugayon ka saka mamomoton, haloy bago maanggot asin mayaman sa pagkamoot, asin dai mo sinda pinabayaan.

An Libro ni Job 10:14

Binabantayan mo ako tanganing mahiling kun ako nagkakasala, tanganing dai mo ako mapatawad.

An Libro ni Job 38:1

Dangan hale sa sarong makosog na doros sinimbag nin Kagurangnan si Job:

An Libro ni Job 9:4

An Dios madonong nin marahay asin mapangyari; mayo nin siisay man na makakatindog tumang saiya.

Salmo 103:8

Maheherakon an Kagurangnan asin maugayon, maluway sa pag-anggot, mayaman sa pagkamoot.

Salmo 104:3

Itinugdok mo an saimong harong sa ibabaw kan katubigan sa itaas. Ginamit mo an mga panganoron bilang karwahe, asin naglulunad ka sa mga pakpak kan doros.

Salmo 145:8

An Kagurangnan maugayon asin maheherakon, maluya sa pag-anggot asin mayaman sa pagkamoot.

Salmo 147:5

An satong Kagurangnan dakula asin makakamhan; dai masusukol an saiyang kadonongan.

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 62:11

Sobra sa sarong beses nadangog kong nagtaram an Dios na saiya sana an kapangyarihan

Salmo 66:3

Sabihan nindo an Dios, “Makangangalas an saimong ginibohan! Dakula nin marahay an saimong kapangyarihan, kaya an saimong mga kaiwal minaduko sa takot sa saimong atubang.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Oseas 8:7

Huli ta nagtanom sinda nin doros, mag-aani sinda nin bagyo! An trigo na dai namumunga, dai makukuahan nin arina. Alagad maski mamunga pa iyan, an mga dayuhan man sana an makakan kaiyan.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Jonas 4:2

Kaya namibi siya, “Kagurangnan, bakong sinabi ko na kaidto bago ako nagdigdi na iyo ini an gigibohon mo? Kaya hiningowa kong magdulag pasiring sa Espanya. Aram ko na ika sarong Dios na mamomoton, maheherakon, matinios, maboot, asin danay na andam na magbago nin isip asin dai na magpadusa.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

Mga Bilang 14:18

‘Ako, an Kagurangnan, dai tolos naaanggot saka dakula sa pagkamoot, nagpapatawad kan kasalan patin kasombikalan. Alagad papadusahan ko an mga aki asin makoapo sagkod sa ikatolo patin ikaapat na henerasyon huli kan mga kasalan kan saindang mga magurang.’

Mateo 26:64

Alagad nagsimbag si Jesus, “Ika na an nagsasabi. Sinasabihan ko kamo, poon ngunyan mahihiling nindo an Aki nin Tawo na nagtutukaw sa too kan Makakamhan asin nagdadatong sa mga panganoron nin langit!”

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Kapahayagan 1:7

Hilinga! Nagdadatong si Cristo na nasa panganoron! Mahihiling siya kan gabos maski kaidtong mga guminarod saiya. Gabos na tawo sa kinaban maghahaya dahel saiya. Mangyayari nanggad ini!