Nahum 1:2 - Marahay na Bareta Biblia

² Habo an Kagurangnan Dios nin mga karibal; pinapadusahan niya an mga tawong minasalungat saiya. Sa saiyang kaanggotan, binabalos niya sinda.

Nahum 1:2 ပူးပေါင်းရင်းမြစ်များ

An Libro ni Job 20:23

Pakakana siya kan gabos niyang mawoton! Papadusahan siya nin Dios sa saiyang kaanggotan saka kadagitan.

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Exodo 34:7

Inootob ko an sakong panuga sa ribo-ribong henerasyon asin pinapatawad ko an karatan saka an kasalan; alagad sakuyang papadusahan an mga aki saka mga makoapo sagkod sa ikatolo asin sa ikaapat na henerasyon huli sa mga kasalan kan saindang mga magurang.”

Isaias 42:13

An Kagurangnan minaluwas siring sa sarong paralaban; andam asin boot makigera. Minakurahaw siya bilang tanda nin pagsalakay; ipinapahiling niya an saiyang kapangyarihan laban sa saiyang mga kaiwal.

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Isaias 51:20

Sa lambang kanto kan tinampo an mga aki mo nagkakapurukan sa kaluyahan; garo sinda mga usa na nagkadarakop sa litag kan paraayam. Namatean ninda an kosog kan kaanggotan nin Dios.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 3:5

Dai ka magdadanay na anggot; dai ka mauuyam sako sagkod lamang!’ Israel, iyan an saimong itinaram, alagad nakaya mong gibohon an gabos na karatan.”

Jeremias 36:7

Tibaad mamibi sinda sa Kagurangnan asin talikodan ninda an maraot nindang pamumuhay huli ta pinatakot nin Kagurangnan an saiyang banwaan kan saiyang nakakatakot na kaanggotan asin kabangisan.”

Jeremias 4:4

Otoba an tipan nindo sako, an saindong Kagurangnan, asin italaga nindo an saindong buhay sa paglingkod sako. Kun dai nindo gibohon iyan, an kaanggotan ko maglalaad siring sa kalayo huli kan mga maraot na bagay na saindong ginibo. Maglalaad iyan, asin mayo nin siisay man na makakasigbo kaiyan.”

Jeremias 50:15

Kumurahaw kamo nin panggagana laban saiya sa palibot kan syudad! Nagsuko na an Babilon; bagsak na an saiyang bantayan asin rumpag na an saiyang mga kudal. Huli ta iyo ini an pagbalos ko. Balosa nindo siya; giboha nindo saiya an ginibo niya sa iba.

Mga Panambitan 4:11

Pinaluwas nin Kagurangnan an bilog niyang kaanggotan; nagpagkot siya nin kalayo sa Sion na tuminutong sagkod kan mga pundasyon.

Ezekiel 36:6

“Kaya magpropesiya ka manongod sa daga nin Israel asin sabihan mo an mga bukid saka mga bulod, an mga ampas saka mga kapantayan, na ini an itinataram ko, an Kagurangnan Dios: Nagtataram akong igwa nin maimon na kaanggotan, huli ta nagtios kamo kan mga pagtuyatuya kan mga nasyon.

Ezekiel 38:18

Ini an itinataram nin Kagurangnan Dios, “Sa aldaw na salakayon ni Gog an Israel, maaanggot ako.

Ezekiel 38:19

Sa maimon kong kaanggotan, ipinapahayag ko na sa aldaw na iyan magkakaigwa nin makosog na linog sa daga nin Israel.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Ezekiel 5:13

“An gabat kan sakong kaanggotan mamamatean mo sagkod na makontento ako. Kun mangyari na an gabos na ini, maaaraman mo na ako, an Kagurangnan, an nagtaram saimo huli ta anggot ako sa saimong bakong pagkamaimbod.

Ezekiel 6:12

An mga nasa harayo maghehelang dangan magagadan; an mga nasa harani magagadan sa gera; an matatada magagadan sa gutom. Mamamatean ninda an gabat kan sakuyang kaanggotan.

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Joel 2:18

Dangan ipinahiling nin Kagurangnan an saiyang pagmakulog sa saiyang daga; naherakan niya an saiyang banwaan.

Levitico 26:28

sa sakong labi-labing kaanggotan, ako na an maatubang saindo asin papadusahan ko kamo nin pito pang beses kagabat ki sa mga naenot na padusa.

Mikas 5:15

Dangan sa labi-labi kong kaanggotan mabalos ako sa mga nasyon na dai nagkuyog sa sako.”

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Zacarias 1:14

dangan sinabihan ako kaini na ipahayag ko an itinaram kan Kagurangnan nin mga hukbo: “Namomotan ko nin marahay asin igwa ako nin pagmakulog sa Jerusalem, an sakong banal na syudad.

Zacarias 8:2

“Haloy ko nang minawot na tabangan an Jerusalem huli sa dakula kong pagkamoot sa saiyang mga namamanwaan, sarong pagkamoot na nagin dahelan kan pagkaanggot ko sa saiyang mga kaiwal.

Mga Bilang 25:11

“Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Roma 13:4

Huli ta siya sorogoon nin Dios na naglilingkod para sa ikakarahay mo. Alagad kun maraot an gibo mo, dapat kang matakot saiya huli ta may kapangyarihan siya sa pagpadusa saimo. Sorogoon siya nin Dios asin dara niya an padusa nin Dios sa mga tawong maraot an gibo.

Deuteronomio 4:24

huli ta an Kagurangnan na saindong Dios arog sa kalayong nakakatutong, sarong maimon na Dios.

Deuteronomio 7:10

alagad dai siya nagduduwa-duwa sa pagpadusa sa mga naaanggot saiya.

Hebreyo 10:30

Huli ta midbid nyato an nagsabi, “Ako an mabalos, ako an mabayad.” Nagsabi pa siya, “Huhukoman nin Kagurangnan an saiyang banwaan.”

Josue 24:19

Nagsabi si Josue sa mga Tawo, “Alagad tibaad dai kamo makapaglingkod sa Kagurangnan. Siya sarong Dios na banal; sarong maimon na Dios. Dai niya mapapatawad an saindong mga kasalan asin kasombikalan.

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.