Nahum 1:14 - Marahay na Bareta Biblia

¹⁴ Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Nahum 1:14 ပူးပေါင်းရင်းမြစ်များ

2 Mga Hade 19:37

Sarong aldaw, kan nagsasamba siya sa templo ni Nisroc na saiyang dios, ginadan siya kan saiyang duwang aking lalaki na si Adramelec asin si Sarezer, dangan nagdurulag ini pasiring sa daga nin Ararat. Si Esarhaddon na saro pa niyang aking lalaki iyo an nagsalihid saiya bilang emperador.

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

An Libro ni Job 18:17

Napapara sa kinaban an saiyang dangog, an saiyang ngaran dai na magigiromdoman.

Salmo 109:13

Magadan logod an saiyang kapagarakian; sa sunod na henerasyon malingawan logod an saiyang ngaran.

Salmo 71:3

Ika logod an magin sakong gapo na pailihan, sarong makosog na bantayan na maligtas sako; huli ta ika an sakong gapo asin bantayan.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Mga Talinhaga 10:7

An matanos ginigiromdom bilang bendisyon, alagad an maraot malilingawan.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 33:13

Pagdangog kamo na mga nasa harani asin nasa harayong lugar, kun ano an sakong ginibo, asin akoon nindo na mapangyari ako.”

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Daniel 11:21

Nagpadagos sa pagpaliwanag an anghel: “An masunod na hade nin Siria sarong maraot na tawo na mayo nin deretso na magin hade, alagad madatong siyang mayong patanid asin kukuahon niya an kahadean sa paagi nin pandadaya.

Daniel 5:27

TEKEL, tinimbang ka sa timbangan asin nakuang nagkukulang;

Levitico 26:30

Raraoton ko an mga lugar na saindong pinagsasambahan sa kabubuldan, gagabaon ko an mga altar nin insenso, dangan itatapok ko an saindong mga bangkay sa ibabaw kan tumba nindong mga dios-dios. Sa kaanggotan,

Mikas 5:13

Raraoton ko an saindong mga dios-dios saka mga hariging gapo; dai na nanggad kamo magsasamba kan mga bagay na kamo mismo an naggibo.

Mikas 5:14

Tutumbahon ko an mga ladawan kan diosang si Asera sa saindong daga asin gagabaon ko an saindong mga syudad.

Habakkuk 2:10

alagad kasosopgan an dinara sa saindong pamilya kan saindong mga plano; sa panraraot nin mga nasyon, kamo man sana an nagdara nin pagkaraot sa saindong sadiri.

1 Samuel 3:13

Tinaraman ko na siya na papadusahan ko sagkod pa man an saiyang pamilya huli kan mga maraot na sinabi kan saiyang mga aking lalaki tumang sako. Aram ni Eli na ginigibo ninda ini, alagad dai niya sinda sinaway.