Nahum 1:10 - Marahay na Bareta Biblia

¹⁰ Arog sa nagkagurumos na mga tonok asin alang na dagami matututong kamo!

Nahum 1:10 ပူးပေါင်းရင်းမြစ်များ

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

Salmo 118:12

Pinalibotan ninda ako siring sa mga putakti, alagad napalsok tolos sinda siring kan kalayo sa katonokan; alagad ginaradan ko sinda sa ngaran nin Kagurangnan!

Salmo 68:2

Siring na an aso ipinapalid, alawon mo logod sinda; siring na an taro natutunaw sa kalayo, an tampalasan mapara logod sa atubang nin Dios!

Exodo 15:7

Mga kaiwal dinaog kan saimong dakulang kapangyarihan; garo dagaming sinulo kan saimong kaanggotan.

Exodo 5:12

Kaya nalibot kan mga tawo an bilog na Egipto sa paghanap nin dagami.

Isaias 27:4

Dai na ako naaanggot sa ubasan. Kun igwa pa sana nin mga tonok saka mga binit na sakong lalabanan, sinulo ko na an mga iyan.

Isaias 47:14

“Makakaarog sinda sa mga kaputol na dagami, asin matututong sinda sa kalayo! Dai sinda makakaligtas sa sobrang init nin kalayo. Bako ini an kalayo na pwede sanang pagpahimbongan.

Isaias 5:24

Kaya siring na hinahalon kan dila nin kalayo an dagami, siring na minakulpa an alang na doot sa kalayo, malalapa an saindang mga gamot, maaalang saka mararakdag an saindang mga burak huli ta isinikwal ninda an katogonan kan Kagurangnan nin mga hukbo, asin saindang pinag-olog-olog an tataramon kan banal na Dios nin Israel.

Isaias 56:12

‘Madya, magkua kita nin arak’, an sabi ninda, ‘asin mag-inom kita sagkod na kaya ta! An sunod na aldaw magigin mas maogma ki sa ngunyan.’”

Isaias 9:18

An karatan kan mga tawo naglalaad siring sa kalayo na nakakatutong sa mga binit saka mga tonok. Naglalaad iyan siring sa sarong kalayo sa kadlagan na nagpapaturon nin mahibog na aso.

Jeremias 51:39

Mga unason daw sinda? Ipag-aandam ko sinda nin sarong bangkete, saka buburaton ko sinda asin papaogmahon. Makatorog sinda asin dai na nanggad magigimata.

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Mikas 7:4

Maski an pinakamarahay saka pinakaonesto sa sainda garo mga tonok na mayo nin halaga. Nag-abot na an aldaw kan pagpadusa nin Dios sa mga tawo, siring kan saiyang ipinatanid sainda sa paagi kan saindang mga parabantay, an mga propeta. Ngunyan, nagkakariribong sinda.

Nahum 3:11

Nineve, mabagsak ka man sa ngana-nganang pagkaburat! Hihingowahon mo man na makadulag sa saimong mga kaiwal.

Malakias 4:1

Nagsasabi an Kagurangnan nin mga hukbo, “Nagdadangadang an aldaw na susuloon siring sa dagami an gabos na mapaabaw-abaw saka mga maraot na tawo. Sa aldaw na iyan, matututong sinda, asin mayo nin matatada sa sainda.

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.