Mikas 7:19 - Marahay na Bareta Biblia

¹⁹ Maheherakan mo giraray kami. Titimaktimakan mo an samong mga kasalan dangan itatapok mo iyan sa kairaroman kan dagat!

Mikas 7:19 ပူးပေါင်းရင်းမြစ်များ

2 Samuel 24:14

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

Salmo 103:12

Kun gurano an rayo kan sirangan sa solnopan, siring man an pagrayoan niya sa sato kan satong mga kasalan.

Salmo 130:8

Tutuboson niya an banwaan nin Israel sa gabos nindang kasalan.

Salmo 85:3

Pinugol mo an saimong kaanggotan; pinakulpa mo an labi-labi mong kaanggotan.

Isaias 33:24

Mayo nin siisay man na nag-eerok sa satong daga na mag-aagrangay na siya naghehelang, asin papatawadon an gabos na kasalan.

Isaias 38:17

An sakong kapaitan magigin katoninongan. Ililigtas mo an sakong buhay sa gabos na kapahamakan; pinapatawad mo an gabos kong kasalan.

Isaias 43:25

Alagad, ako an Dios na nagpapatawad kan saimong mga kasalan, asin ginigibo ko ini huli ta ako an Dios. Dai ko na gigiromdomon an saimong mga kasalan.

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Jeremias 33:8

Lilinigan ko sinda kan mga kasalan na ginibo ninda tumang sako, saka papatawadon ko an saindang mga kasalan asin pagrebelde tumang sako.

Jeremias 50:20

Pag-abot kan panahon na iyan mayo na nin kasalan na makukua sa Israel asin mayo na nin katampalasanan sa Juda, huli ta papatawadon ko an mga tawong dai ko itinugot na magadan. Ako, an Kagurangnan, an nagtaram.”

Mga Panambitan 3:22

Mayo nin kataposan an pagkamoot asin an pagkaherak nin Kagurangnan,

Mga Panambitan 3:32

Pwedeng darahan niya kita nin kamondoan, alagad an pagkamoot niya sato makusog asin masasarigan.

Ezekiel 18:22

Papatawadon an gabos niyang kasalan asin mabubuhay siya, huli ta naggibo siya kan matanos.

Ezekiel 39:29

Iuula ko an sakong espiritu sa banwaan nin Israel asin dai ko na nanggad sinda tatalikodan. Ako, an Kagurangnan Dios, an nagtaram.”

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Oseas 14:2

Magbalik kamo sa Kagurangnan, asin an pamibing ini iyo logod an saindong dolot sa saiya: “Patawada an gabos ming kasalan asin dangoga an samong pamibi, dangan oomawon mi ika siring sa samong ipinanuga.

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Zacarias 3:4

Nagboot an anghel sa langitnon niyang mga sorogoon, “Hubaa nindo an maati niyang gubing.” Dangan sinabihan niya si Josue, “Hinale ko na an saimong kasalan, asin susulotan taka nin bagong gubing.”

Roma 6:14

Dai kamo dapat na magpasakop sa kasalan, huli ta bako na kamong nabubuhay sa irarom kan katogonan kundi sa irarom kan biyaya nin Dios.

Roma 8:13

Huli ta kun namumuhay kamo sosog sa laman, magagadan kamo; alagad kun ginagadan nindo an mga gibo nindong maraot sa tabang nin Espiritu, mabubuhay kamo.

Deuteronomio 30:3

ibabalik saindo nin Kagurangnan an marahay na palad saka maheherak siya saindo. Titiponon niya giraray kamo hale sa mga nasyon na pinagwarakan niya saindo.

Deuteronomio 30:6

Babagohon nin Kagurangnan an saindong puso asin an puso kan saindong mga kapagarakian tanganing mamotan nindo siya sa bilog nindong puso, tanganing padagos kamong mabuhay.

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 8:12

Papatawadon ko an saindang mga kasalan; lilingawan ko an saindang mga karatan.”

1 Juan 3:8

An nagkakasala sadiri kan diablo, huli ta an diablo nagkasala poon pa sa kapinonan. An dahelan kan pagdigdi kan Aki nin Dios iyo an paglaglag kan mga gibo kan diablo.