Mikas 7:17 - Marahay na Bareta Biblia

¹⁷ Makamang sinda sa alpog arog sa mga halas; maabot sinda hale sa saindang mga bantayan na nagtatakig saka natatakot. Sa katakotan, madolok sinda sa Kagurangnan na samong Dios.

Mikas 7:17 ပူးပေါင်းရင်းမြစ်များ

2 Samuel 22:46

Pinanruluya an saindang boot, asin tinatakigan na nagruluwas sa saindang mga bantayan.

2 Mga Cronica 17:10

Ginibo nin Kagurangnan na matakot an gabos na kahadean sa palibot nin Juda, kaya dai sinda nakigera ki Jehosafat.

Salmo 18:45

Pinanruluya an saindang boot, asin tinatakigan na nagruluwas sa saindang mga bantayan.

Salmo 72:11

Gabos na hade magluhod logod sa atubang niya, gabos na nasyon maglingkod saiya.

Salmo 72:9

Magluhod logod sa atubang niya an mga nag-eerok sa kalangtadan; magdila logod kan alpog an saiyang mga kaiwal.

Salmo 9:20

Gibohang matakot sinda, Kagurangnan; pasabota sinda na sinda tawo lamang.

Isaias 25:3

Kaya oomawon ka kan mga nag-eerok sa mapangyaring mga nasyon; katatakotan ka sa mga syudad nin makuring mga nasyon.

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 59:19

Magpoon sa sirangan sagkod sa solnopan, an saiyang dakulang kapangyarihan, katatakotan kan gabos. Maabot siya siring sa sarong masulog na salog, arog sa sarong makosog na doros.

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Isaias 64:2

Magtatakig sinda siring sa tubig na nagkakalakaga sa ibabaw kan kalayo. Madya asin pahayagan an saimong kapangyarihan sa mga kaiwal mo, asin patakiga an mga nasyon huli kan saimong presensya!

Isaias 65:25

Sabay na magkakakan an lalaw na ayam saka an kordero; magkakakan nin dagami an leon siring kan baka, asin dai na mangangagat an halas. Sa Sion, an sakong banal na bulod, mayo nin anoman na makakakulog o makakaraot.”

Isaias 7:19

Maabot sinda gabos asin maontok sa mga ampas, sa mga lungib sa kagapoan, sa gabos na binit, patin sa gabos na pasabsaban.

Jeremias 16:16

Nagtataram an Kagurangnan, “Mapadara ako nin dakul na parasira tanganing dakopon an mga tawong ini. Dangan mapadara ako nin dakul na paraayam tanganing hanapon sinda sa lambang bukid asin bulod, saka sa mga lungib sa kagapoan.

Jeremias 33:9

An Jerusalem iyo an matao sako nin kaogmahan, kaomawan, asin kamurawayan; an lambang nasyon sa kinaban matatakot saka magtatakig kun madangog ninda an manongod sa marahay na mga bagay na gigibohon ko sa mga taga Jerusalem asin an manongod sa kauswagan na dadarahon ko sa syudad.”

Mga Panambitan 3:29

Mapakumbabang magduko kita, huli ta tibaad igwa pa nin paglaom.

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Deuteronomio 32:24

Magagadan sinda sa gutom saka kalentura, asin sa makatakot na mga helang. Isusubol ko sa pagsalakay sainda an mga maringis na hayop, asin an mga makamandag na halas na makagat sainda.

Josue 9:24

Nagsimbag sinda, “Ginibo mi idto huli ta naaraman mi na totoong ipinagboot nin Kagurangnan, na saindong Dios, sa sorogoon niyang si Moises na itao saindo an bilog na daga asin gadanon an mga tawong nag-eerok diyan. Ginibo mi idto huli ta natatakot kami na tibaad gadanon nindo kami.

Kapahayagan 3:9

Uya, an mga kaiba sa sinagoga ni Satanas, na nagsasabing sinda mga Judio alagad bako, kundi nagpuputik sana, padodolokon ko asin paluluhodon sa atubang mo, tanganing maaraman ninda gabos na namomotan taka.

1 Samuel 14:11

Kaya nagpahiling sinda sa mga Filisteo asin nagsarabi an mga ini, “Hilinga! Nagruluwas sa saindang mga pinagtatagoan na lungib an nagkapirang mga Hebreyo!”