Mikas 7:14 - Marahay na Bareta Biblia

¹⁴ Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Mikas 7:14 ပူးပေါင်းရင်းမြစ်များ

Salmo 100:3

Midbidon mo na an Kagurangnan iyo an Dios! Linalang niya kita, asin sadiri niya; kita an saiyang banwaan, mga karnero na saiyang ataman.

Salmo 143:5

Ginigiromdom ko an mga aldaw kaidto; mga gibo mo hinohorophorop ko; iniisip-isip an saimong mga ginibo.

Salmo 28:9

Ligtasan, Kagurangnan, an saimong banwaan; an pamana mo saimong bendisyonan. Magin pastor ka ninda, atamana sinda sagkod lamang.

Salmo 95:7

Huli ta siya an satong Dios; kita an banwaan na saiyang inaataman, an mga karnero na saiyang pinapakakan. Hinanyoga nindo ngunyan an saiyang tingog!

Exodo 33:16

Huli ta paanong maaaraman na nawiwilihan mo ako saka an mga tawo? Bako daw huli sa pag-iba mo samo tanganing mapalaen kami, ako saka an saimong banwaan, sa ibang mga tawo sa kinaban?”

Awit nin mga Awit 4:1

Magayon ka nin marahay, sakong namomotan! Sa pagkamoot, nagkikinang nin marahay an saimong mga mata sa likod kan saimong belo. Nagsasayaw an saimong buhok arog sa mga kanding na naglulukso paibaba kan mga bulod nin Gilead.

Isaias 27:13

Pag-abot kan aldaw na iyan, patatanogon an sarong trompeta tanganing apodon an gabos na Israelita hale sa Asiria saka Egipto na itinapok duman. Madatong sinda asin masamba sa Kagurangnan sa Jerusalem, sa banal niyang bulod.

Isaias 35:2

Maawit saka makurahaw sa kaogmahan an desyerto; magigin magayon iyan siring sa mga Bukid nin Lebanon asin magigin matubang siring sa kaomahan nin Carmelo saka Sharon. Mahihiling kan gabos an kamurawayan nin Kagurangnan, mahihiling ninda an saiyang kadakulaan asin kapangyarihan.

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 49:10

dai na nanggad sinda magugutom o mapapaha. Dai na sinda maaano kan saldang asin kan init kan desyerto, huli ta papangenotan sinda kan namomoot sainda. Dadarahon niya sinda sa mga burabod nin tubig.

Isaias 65:10

Sasambahon ninda ako asin papangenotan ko an saindang mga hayop tanganing manabsab sa Kapatagan nin Sharon sa solnopan asin sa Kapantayan nin Acor sa sirangan.

Jeremias 49:31

‘Magbangon kamo, dangan salakayon ta an sarong nasyon na namumuhay na matiwasay saka maginhawa. An saindang syudad mayo nin mga trangkahan saka mga barat asin yaon ini sa sarong siblag na lugar.’

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Mga Panambitan 5:21

Balikan kami saimo, Kagurangnan! Ibalik mo kami! Balikan an dati nyamong kamurawayan.

Ezekiel 36:11

Papadakulon ko an bilang kan mga tawo saka mga hayop. Magigin mas dakul sinda ki sa kaidto, asin magkakaigwa kamo nin dakul na aki. Mag-eerok kamo duman arog kaidtong panahon asin orog ko kamong papauswagon. Dangan maaaraman nindo na ako an Kagurangnan.

Levitico 27:32

Kun bilangon na an mga hayop, pagsadiri nin Kagurangnan an lambang ikasampolo.

Amos 9:11

An Kagurangnan nagtataram, “Maabot an panahon na papakarahayon ko an kahadean ni David, na nakakaagid sa sarong harong na nagaba. Hihirahayon ko an mga kudal kaiyan asin papatindogon ko giraray iyan arog kan dating kamugtakan kaiyan.

Obadias 1:19

“Masasadirihan kan mga hale an habagat nin Juda an daga nin Edom; asin sasakopon kan mga hale sa pamitisan kan kabubuldan sa solnopan an Filistia. Sasadirihon kan mga Israelita an teritoryo nin Efraim saka Samaria; asin kukuahon kan mga taga Benjamin an Gilead.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Sofonias 3:13

An matatada sa banwaan nin Israel dai magibo nin maraot sa kapwa, dai magpuputik o mandadaya. Magigin mauswag sinda asin matiwasay, dai sinda matatakot sa kiisay man.”

Zacarias 10:10

Ibabalik ko sinda hale sa Egipto asin sa Asiria dangan ibubugtak sa sadiri nindang daga. Papaerokon ko sinda sa Gilead asin sa Lebanon; an bilog na daga mapapano nin tawo.

Zacarias 11:7

Inalok ako kan mga tawong nagbabakal saka nagpapabakal nin karnero, kaya nagin pastor ako kan mga karnero na bubunoon. Nagkua ako nin duwang sugkod; an saro inapod kong “Biyaya” asin an ikaduwa inapod kong, “Pagkasararo.” Dangan inataman ko an mga karnero.

Malakias 3:4

Dangan magigin makawiwili an mga dolot na dara kan mga taga Juda saka Jerusalem sa Kagurangnan, arog kaidtong nakaaging panahon.

Mga Bilang 23:9

Nahihiling ko sinda hale sa alitoktok nin mga kabukidan; Binabantayan ko sinda hale sa kabubuldan. Sinda sarong nasyon na solo-solong namumuhay; Nakakasabot na mas paladan sinda ki sa ibang nasyon.

Mga Bilang 32:1

Dakul nin marahay an ataman na mga hayop kan tribu ni Ruben asin ni Gad. Kan mahiling ninda kun gurano karahay para sa mga baka an daga nin Jazer asin nin Gilead,

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Juan 17:16

Bako sindang taga kinaban, arog sako na bakong taga kinaban.

Deuteronomio 33:28

Kaya an Israel nag-eerok sa katoninongan, sa daga na mayaman sa ani asin sa arak, na binabaribi kan ambon nin kalangitan.