Mikas 7:13 - Marahay na Bareta Biblia

¹³ Alagad magigin sarong desyerto an daga huli kan karatan kan mga nag-eerok diyan.

Mikas 7:13 ပူးပေါင်းရင်းမြစ်များ

An Libro ni Job 4:8

Siring sa sakong nahiling, an mga nag-aarado sa karatan asin nagtatanom nin kasakitan nag-aani man sana kaiyan.

Mga Talinhaga 1:31

kakakanon nindo an bunga kan saindong gibo asin mababaldi kamo sa saindong mga plano.

Mga Talinhaga 31:31

Tawan mo siya nin kaomawan huli kan saiyang mga ginibohan. Maninigong galangan siya kan lambang saro.

Mga Talinhaga 5:22

Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Isaias 17:9

Pag-abot kan aldaw na iyan, an mga pinapusog na syudad magigin siring sa mga mayong nag-eerok na mga syudad kan mga Heveo saka Amoreo—mga lugar na binarayaan kan mga namamanwaan sa pagdulag sa atubang nin Israel.

Jeremias 17:10

Ako, an Kagurangnan, an nagsisiyasat sa isip saka nagbabalo kan puso nin tawo. Tinatratar ko an lambang saro sosog sa saiyang pamumuhay, asin mga ginigibo.”

Jeremias 21:14

Alagad papadusahan taka sa ginibo mo. Susuloon ko an saimong palasyo, asin an gabos sa palibot kaiyan. Ako, an Kagurangnan, an nagtaram.”

Jeremias 25:11

An bilog na dagang ini papabayaan na raot asin magigin sarong tanawon na nakakatakot. Dangan an kataraed na mga nasyon maglilingkod sa hade nin Babilonia sa laog nin setentang taon.

Jeremias 32:19

dakula an saimong katuyohan asin makangangalas an saimong mga gibo. Nahihiling mo an ginigibo kan tawo, asin binabalosan mo sinda sosog sa saindang gibo.

Ezekiel 12:19

Sabihan mo an bilog na nasyon na iyo ini an mensahe kan Kagurangnan Dios para sa banwaan nin Jerusalem, na nag-eerok pa sa saindang daga. Magtatakig sinda mantang nagkakakan asin magkokobogkobog sa takot mantang nag-iinom. Huhubaan an saindang daga, huli sa kadahasan kan mga nag-eerok duman.

Ezekiel 33:28

Gigibohon kong mamondo saka alang an daga, asin matatapos an kapangyarihan na ipinag-oorgulyo ninda. An kabukidan nin Israel magigin makatatakot kaya mayo na nin maagi duman.

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mikas 3:4

Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Mikas 5:3

Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Mikas 6:13

Kaya pinoonan ko na an pagrumpag saka pagraot saimo huli kan mga kasalan mo.