Mikas 7:1 - Marahay na Bareta Biblia

¹ Herak man sa sako! Nakakaagid ako sa sarong gutom na tawong mayong nakukuang bunga sa mga kahoy asin ubas sa mga balagon. Ginuno na an gabos na ubas asin an masisiram na higera.

Mikas 7:1 ပူးပေါင်းရင်းမြစ်များ

Salmo 120:5

Herak man sako na nakikimanwa ako sa Mesek; na nakikierok ako sa mga tolda nin Kedar.

Mga Talinhaga 20:6

Dakul na tawo an nagpapahayag kan saindang kaimbodan, alagad may makukua pa daw na maimbod na tawo?

Isaias 17:6

Kadikit sanang tawo an matatada, asin an Israel makakaarog sa sarong kahoy nin oliba na ginunoan nin mga bunga: duwa o tolo sanang bunga kaini an matatada sa mga sanga sa itaas o sa ibaba. Ako, an Kagurangnan Dios nin Israel, an nagtaram.”

Isaias 24:13

Siring kaini an mangyayari sa lambang nasyon sa kinaban. Makakaarog iyan sa kataposan kan pag-ani, pakatapos na parakdagon an gabos na oliba sa lambang poon asin gunoon sa balagon an huring ubas.

Isaias 24:16

Hale sa poro kan kinaban madadangog nyato an mga awit nin pag-omaw sa Israel, an matanos na nasyon. Alagad mayo ako nin paglaom! Nagrarani sako an kagadanan! Padagos sa pagpasaluib an mga parapasaluib, asin nag-oorog an saindang pagpapasaluib.

Isaias 28:4

asin an napapara nang kamurawayan kan mga mapaabaw-abaw na lider mawawara siring sa enot na bunga kan higera bago an tig-init, na ginuguno asin kinakakan kun hinog na.

Isaias 6:5

Nagsabi ako, “Herak man sako! Magagadan ako huli ta an lambang tataramon na nag-aagi sa sakong mga ngabil makasalan, asin nag-eerok ako sa tahaw nin mga banwaan na an lambang tataramon makasalan; huli ta nahiling ko an Hade, an Kagurangnan nin mga hukbo!”

Jeremias 15:10

Mamondo ako nin marahay! Tadaw ta inaki pa ako kan sakong ina sa kinaban na ini? Danay akong may kaiwal asin kadiskutiran sa bilog na daga. Dai ako nagpasubli nin kwarta ni nagsubli, alagad minamaldisyon ako kan gabos.

Jeremias 24:2

An sarong basket igwa nin laog na mararahay na higera, na enot na naghirinog; an saro pang basket igwa nin laog na ralapang higera, na dai pwedeng kakanon huli ta nalapa nang marahay.

Jeremias 4:31

Nakadangog ako nin inagrangay, na arog kan sa babaeng nangangaki, nin kinurahaw na arog kan sa babaeng nangangaki nin panganay. Ini an inagrangay kan Jerusalem, na nagsasakit na sa paghangos, na nag-iitaas kan saiyang kamot saka nagsasabi, “Herak man sako! Maabot na sinda tanganing gadanon ako!”

Jeremias 45:3

nagsasabi ka, ‘Herak man sako huli ta dinagdagan nin Kagurangnan an sakong kasakitan nin kamondoan. Napapagal na ako sa kaaagrangay, asin mayo na ako nin kapahingaloan!’

Jeremias 5:1

Mga taga Jerusalem, liboton nindo an saindong mga tinampo! Pagmasdan nindo dangan aramon an nasa palibot. Siyasaton nindo an mga plasa. Igwa daw kamo nin nahiling na tawo na naggigibo kan matanos asin naghihingowang magin maimbod sa Dios? Kun igwa kamong mahiling, papatawadon nin Kagurangnan an Jerusalem.

Oseas 9:10

Nagsasabi an Kagurangnan, “Kan manumpongan ko an Israel, nakakaagid iyan sa pakanumpong nin ubas sa desyerto. Kan mahiling ko an saindong mga ginikanan, nakakaagid iyan sa pakahiling kan enot na hinog na bunga nin higera. Alagad kan makaabot sinda sa Bukid nin Peor, nagpoon sinda sa pagsamba ki Baal asin dai nahaloy, nakaarog sinda sa mga makauuyam na mga dios-dios na saindang namotan.

Mga Bilang 18:13

An gabos na iyan magigin saimo. Pwedeng kumakan kaiyan an lambang malinig na kaayon kan saimong pamilya.