Mikas 6:9 - Marahay na Bareta Biblia

⁹ Marahay an magkaigwa nin takot sa Kagurangnan. Nag-aapod siya sa syudad, “Pagdangog kamo na mga tawong nagtitiripon sa syudad!

Mikas 6:9 ပူးပေါင်းရင်းမြစ်များ

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

An Libro ni Job 10:2

Dai mo ako pagkondenaron, O Dios. Sabihi ako! Anong kaso an isinasangat mo laban sako.

An Libro ni Job 23:14

Huli ta saiyang tataposon an plinano niya para sako; asin kadakul na siring kaiyan an nasa isip niya.

An Libro ni Job 5:17

“Maogma an tawong sinasagwe nin Dios; kaya dai mo ipagmondo an padusa saimo kan Makakamhan.

Salmo 107:43

Isipon logod kan mga madonong an mga bagay na ini; akoon logod ninda an danay na pagkamoot nin Kagurangnan.

Salmo 48:10

Inoomaw ka kan mga tawo saen man, nakakalakop sa bilog na daga an saimong ngaran. Naghahade ka na may katanosan;

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 27:10

Gaba na an pinapusog na syudad. Mayo na nin nag-eerok diyan siring sa mayong laog na kalangtadan. Nagin iyan sarong pasabsaban nin mga hayop—sarong lugar na mapapahingaloan ninda.

Isaias 30:27

Uya, an Kagurangnan nagdadangadang hale sa harayo. An kalayo saka an aso nagpapahiling kan saiyang kaanggotan. Nagtataram siya, asin nakakasulo an saiyang mga tataramon siring sa kalayo.

Isaias 66:6

Dangoga nindo! An makosog na ribok na idto sa laog kan syudad, an tanog na naghahale sa Templo, iyo an tanog kan pagpapadusa nin Kagurangnan sa saiyang mga kaiwal!

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Jeremias 26:6

Kun padagos kamong dai magkuyog, gigibohon ko sa Templong ini an ginibo ko sa Shilo, dangan gagamiton kan gabos na nasyon sa kinaban an ngaran kan syudad na ini bilang sarong maldisyon.”

Jeremias 47:7

Alagad paano iyan magpapahingalo, mantang tinawan ko iyan nin gigibohon? Pinagbotan ko iyan na salakayon an Askelon saka an mga tawo na nag-eerok sa baybayon.”

Ezekiel 7:9

Dai taka paliligtason o maheherakan. Papadusahan taka huli kan makauuyam na mga gawe mo, tanganing maaraman mo na ako an Kagurangnan, asin ako an nagpapadusa saimo.”

Oseas 13:16

Kaipuhan na padusahan an Samaria huli ta nagrebelde iyan sako. Magagadan sa gera an saiyang mga namamanwaan; roronoton sa daga an saiyang mga omboy asin lalaslason an mga tulak kan mga bados na babae.”

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Amos 2:5

Kaya papadarahan ko nin kalayo an Juda asin susuloon ko an mga bantayan kan Jerusalem.”

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Mikas 3:12

Kaya, huli sa saindo, aaradohon an Sion arog sa sarong oma, magigin sarong tambak nin raot an Jerusalem, asin magigin sarong kadlagan an bulod na natitindogan kan Templo.

Mikas 6:10

Sa mga harong nin mga maraot na tawo makukua an kayamanan na napasainda huli sa pandadaya. Naggagamit sinda nin mga salang takadan, sarong gibo na ikinakaongis ko.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Sofonias 3:2

Dai iyan nagdangog sa Kagurangnan ni nag-ako kan saiyang pagdidisiplina. Dai siya nagsarig sa Kagurangnan ni naghagad saiya nin tabang.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.