Mikas 6:8 - Marahay na Bareta Biblia

⁸ Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Mikas 6:8 ပူးပေါင်းရင်းမြစ်များ

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Genesis 5:22

Dangan nabuhay pa siya nin tres syentos na taon sa kaibahan nin Dios asin nagkaigwa pa nin ibang mga aki.

2 Mga Cronica 30:11

Kadikit sana sa mga tribu ni Asher, ni Manases saka ni Zabulon an nagpakumbaba dangan nagduman sa Jerusalem.

2 Mga Cronica 32:26

Sa kahuri-hurihi, nagpakumbaba si Ezekias asin an banwaan nin Jerusalem, kaya dai pinadusahan nin Kagurangnan an mga tawo mantang buhay pa si Ezekias.

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

2 Mga Cronica 33:23

Alagad bako siyang arog kan saiyang ama na nagpakumbaba saka nagbalik sa Kagurangnan; dai siya nagpakumbaba kundi orog na nagkasala.

2 Mga Cronica 34:27

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi. Ginisi mo an saimong gubing saka naghibi sa atubangan ko. Nadangog ko an saimong pamibi,

Nehemias 9:13

Hale sa langit naghilig ka sa Bukid nin Sinai; nagtaram ka sa saimong banwaan, asin tinawan mo sinda nin mga matanos na katogonan saka marahay na mga katukdoan.

Salmo 101:1

Aawiton ko an pagkamaimbod asin an katanosan; aawiton ko saimo, Kagurangnan.

Salmo 112:4

An ilaw minaliwanag sa kadikloman para sa mga marahay na tawo, para sa mga maheherakon, maboot asin matanos.

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Salmo 37:26

Sa gabos na panahon siya nagtatao asin nagpapasubli sa ibang tawo, asin nagigin mga bendisyon an saiyang mga aki.

Salmo 73:28

Alagad para sako, mas marahay an magin harani sa Dios; an Kagurangnan Dios an ginibo kong pailihan, tanganing sakong irukyaw an gabos niyang ginibohan!

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Isaias 56:1

Nagsasabi an Kagurangnan sa saiyang banwaan, “Giboha nindo an matanos asin tama, huli ta maabot asin mahahayag na an gigibohon kong pagligtas.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 22:16

Itinao niya sa mga dukha an hustisya, kaya marahay gabos an nagin bunga kaiyan. Iyan an kahulogan kan pakamidbid sa Kagurangnan.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 9:23

Nagtataram an Kagurangnan, “Dai dapat ipag-orgulyo kan madonong an saiyang kadonongan, ni kan makosog an saiyang kosog, ni kan mayaman an saiyang yaman.

Mga Panambitan 3:26

Kaya marahay para sa sato an maghalat na may pakatios— an maghalat sa saiya tanganing iligtas kita—

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Ezekiel 33:14

Pwede kong patanidan an sarong tampalasan na siya magagadan, alagad kun ontokon niya an saiyang pagkakasala dangan maggibo siya nin matanos saka marahay—

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Levitico 26:41

kaya tinalikodan ko sinda asin ipinadarang mga bihag sa daga kan saindang mga kaiwal. Alagad kun magpakumbaba an saindong kapagarakian asin mabayadan na ninda an padusa kan saindang mga kasalan,

Amos 5:24

Embes kaiyan, pabulosa nindo an hustisya siring sa pagbulos kan salog, asin an katanosan siring sa sapa na dai nagmamara.

Mikas 6:9

Marahay an magkaigwa nin takot sa Kagurangnan. Nag-aapod siya sa syudad, “Pagdangog kamo na mga tawong nagtitiripon sa syudad!

Sofonias 2:3

Magbalik kamo sa Kagurangnan, kamo gabos na mapakumbabang namamanwaan kan daga, na nag-ootob kan saiyang mga pagboot. Giboha nindo an matanos, asin magpakumbaba kamo sa atubang nin Kagurangnan, ta tibaad madulagan nindo an padusa sa aldaw na ipahiling nin Kagurangnan an saiyang kaanggotan.

Zacarias 7:9

“Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Mateo 5:3

“Paladan an mga dukha sa espiritu, huli ta sainda an Kahadean nin langit!

Mateo 5:7

“Paladan an mga maheherakon, huli ta sinda maheherakan!

Lukas 10:42

alagad saro sanang bagay an kaipuhan. Napili ni Maria an mas marahay, asin dai iyan hahaleon saiya.”

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Lukas 12:14

Sinimbag siya ni Jesus, “Lalaki, siisay an naggibo sakong hukom o parahiras kan pagsadiri nindong duwa?”

Lukas 6:36

Magin maheherakon kamo arog kan saindong Ama.

Roma 7:16

Ngunyan, kun ginigibo ko an habo kong gibohon, nagpapahiling iyan na oyon ako na an Katogonan tama.

Roma 9:20

Alagad siisay ka man na makikisimbagan sa Dios? Nakakahapot daw an dalipay na koron sa tawong naggibo saiya, “Tadaw ta ginibo mo akong siring kaini?”

1 Corinto 7:16

Paratubod na babae, paano mo naaaraman na ikakaligtas mo an saimong agom? Paratubod na lalaki, paano mo naaaraman na ikakaligtas mo man an saimong agom?

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Deuteronomio 27:10

kaya kuyogon nindo siya asin otobon an gabos niyang togon saka pagboot na itinatao ko saindo ngunyan.”

Deuteronomio 30:15

“Pinapapili ko kamo ngunyan na aldaw: sa marahay o sa maraot, sa buhay o sa kagadanan.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

2 Tesalonica 2:16

Rangahon man logod kamo saka pakosogon an boot nindo ni Jesu-Cristo na satong Kagurangnan asin nin Dios na satong Ama, na namoot sato, na sa saiyang biyaya nagtao sato nin daing kataposan na kosog nin boot asin pusog na paglaom, tanganing danay kamong makagibo asin makasabi kan gabos na marahay.

Santiago 2:20

Boot mong maaraman, o tawong lolong, na gadan an pagtubod na mayong gibo?

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

1 Pedro 3:8

Sa kataposan, dapat na magkasararo kamo gabos sa espiritu, magmakulog sa kapwa, magkaminorootan siring sa magturugang; magkaigwa kamo nin mahuyo na puso asin mapakumbabang boot.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.