Mikas 6:7 - Marahay na Bareta Biblia

⁷ Mawiwili daw an Kagurangnan kun darahan ko siya nin rinibong karnero o lana nin oliba na daing ontok sa pagbulos? Idodolot ko daw an matua kong aki tanganing mabayadan an sakong mga kasalan?

Mikas 6:7 ပူးပေါင်းရင်းမြစ်များ

2 Mga Hade 16:3

asin sinunod niya an paarog kan mga hade nin Israel. Maski an sadiri niyang aking lalaki tinutong niya bilang atang, sa pag-arog kan makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Hade 21:6

Isinakripisyo niya an saiyang aking lalaki bilang tinutong na atang. Naghula siya asin nagsalamangka. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

2 Mga Hade 23:10

Binasang-basang ni Hadeng Josias an Tofet, an paganong lugar na pagsasambahan sa Kapantayan nin Hinnom, tanganing mayo na nin magsakripisyo kan saindang aking lalaki o aking babae bilang dolot ki Molek.

2 Mga Hade 3:27

Dangan kinua niya an matua niyang aking lalaki, na masalihid saiya bilang hade, saka idinolot bilang sakripisyo sa ibabaw kan kudal. Nagkatarakot an mga Israelita, kaya nagsiribog sinda dangan nagbaralik sa sadiri nindang daga.

An Libro ni Job 29:6

Dakul na gatas an itinao sako kan sakong mga kanding saka baka, asin sa magapong daga nagtalubo an sakong mga oliba.

Salmo 50:9

Dai ako maako nin mga torong baka hale sa saimong harong, o mga lalaking kanding hale sa saimong mga hayop;

Salmo 51:16

Dai mo minamawot an mga sakripisyo; maski magdolot ako nin tinutong na atang, dai mo man mawiwilihan.

Salmo 51:18

Sa saimong pagkamarahayon, tabangan mo an Sion; an mga lanob nin Jerusalem saimong pakarahayon.

Mga Talinhaga 15:8

Ikinakaongis nin Kagurangnan an sakripisyo kan maraot, alagad nawiwilihan niya an pamibi kan matanos.

Mga Talinhaga 21:3

An paggibo kan matanos asin hustisya orog na nawiwilihan nin Kagurangnan ki sa mga sakripisyo.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 40:16

An gabos na hayop sa kadlagan nin Lebanon kulang na isakripisyo sa satong Dios, asin an mga kahoy diyan kulang na igatong.

Jeremias 19:5

Nagtugdok sinda nin mga altar para ki Baal tanganing tutongon an saindang mga aki bilang sakripisyo. Dai ko ipinagboot na gibohon ninda ini; dai lamang iyan naglaog sa sakong isip.

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Jeremias 7:31

Sa Kapantayan nin Hinnom guminibo sinda nin altar na inapod Tofet, tanganing tutongon duman an saindang mga aking lalaki asin mga aking babae bilang sakripisyo. Dai ko ipinagboot sainda na gibohon ini—dai ngani ini naglaog sa sakong isip.

Ezekiel 23:37

Nakidorog sinda sa bako nindang agom asin nanggadan—nakidorog sa mga dios-dios asin ginagadan an mga aki ko sainda. Isinakripisyo ninda an saindang mga aking lalaki sa mga dios-dios.

Oseas 5:6

Dadarahon ninda an saindang mga karnero saka baka tanganing idolot bilang mga sakripisyo sa Kagurangnan, alagad dai iyan makakatabang sainda. Dai ninda siya makukua, huli ta binayaan na niya sinda.

Oseas 6:6

Mawot ko an danay nindong pagkamoot, bakong an isinasakripisyo nindong mga hayop. Mas boot ko pang mamidbidan ako kan sakong banwaan ki sa magtutong sinda nin mga atang para sako.

Levitico 18:21

Dai nindo ipagtao an arin man sa saindong mga aki tanganing tutongon para sa dios na si Molec, huli ta dadarahan nindo nin kasosopgan an ngaran kan saindong Dios, an Kagurangnan.

Levitico 20:1

Tinaraman nin Kagurangnan si Moises

Amos 5:22

Maski pa dolotan nindo ako nin mga tinutong na atang saka dolot na pagkakan, dai ko iyan aakoon; dai ko man aakoon an mga pinatabang hayop na dinadara nindo sako bilang mga dolot para sa katoninongan.

Filemon 1:12

Pinababalik ko siya saimo ngunyan na garo man sanang dara niya an sakong puso.

Hukom 11:31

idodolot ko saimo bilang tinutong na atang an enot na tawong magsabat sako hale sa laog kan sakong harong pagbalik ko hale sa kapangganahan.”

Hukom 11:39

Pakalihis nin duwang bulan, nagbalik siya sa saiyang ama. Ginibo ni Jefta saiya an panuga niya sa Kagurangnan. Kaya nagadan na sarong birhen an aki niyang babae. Kaya nagin kaugalean sa Israel

1 Samuel 15:22

Nagsabi si Samuel, “Orog daw na naoogma an Kagurangnan sa mga tinutong na atang asin mga dolot, ki sa pagkuyog kan saiyang pagboot? Tara, an pagkuyog mas marahay ki sa dolot, asin an paghinanyog mas marahay ki sa taba nin mga karnero.