Mikas 6:12 - Marahay na Bareta Biblia

¹² An saimong mga mayaman na namamanwaan nang-aapi sa mga dukha asin gabos sinda putikon.

Mikas 6:12 ပူးပေါင်းရင်းမြစ်များ

Salmo 120:2

“Ligtasan ako, Kagurangnan, sa mga ngosong putikon, sa dilang madaya.”

Salmo 35:20

Habo sinda kan katoninongan; ata ngani nag-iisip nin pagdaya sa mga matoninong sa daga.

Salmo 78:36

Alagad gabos kaputikan an saindang sinabi; an saindang itinaram bakong tudok sa boot.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 3:8

An Jerusalem napadungkal, asin narumpag an Juda; huli ta tumang sa Kagurangnan an saindang mga gibo saka mga tataramon.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Jeremias 9:8

An saindang dila garo bosog nin pana na nakakagadan; danay sindang nagsasabi nin kaputikan. An lambang saro nagtataram nin magayon sa saiyang kanatad, alagad an totoo, nagbubugtak siya nin siod para saiya.

Oseas 7:1

“Sa mga panahon na boot ko nang bolongon an sakong banwaan na Israel asin pauswagon giraray sinda, mayo akong nahihiling kundi an saindang katampalasan na saindang ginigibo. Dinadaya ninda an saindang kapwa; sinasalakat ninda an mga harong; asin hinahabonan ninda an mga tawo sa mga tinampo.

Oseas 7:13

“Herak man sainda, huli ta tinalikodan ninda ako asin nagrebelde sinda sako! Magkakagaradan sinda! Boot ko kutanang iligtas sinda, alagad bakong totoo an pagsamba ninda sako.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Amos 6:4

Herak man saindo na naghihigda sa magagayon na higdaan, mantang nagpapakabasog sa pagkakan kan karne nin mga kordero saka mga ogbon na baka!

Sofonias 1:9

Papadusahan ko an gabos na nagsasamba siring sa mga pagano, asin an nanghahabon saka nanggagadan tangani sanang panoon nin sinamsaman an harong nin saindang kagurangnan.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mga Gibo 24:9

An mga Judio na yaon duman nagsabi man na an gabos na sumbong totoo.

Roma 3:13

An saindang halonan sarong bukas na lulubngan, ginagamit ninda an saindang dila sa pagdaya. Mga mararang tataramon, na garo rara nin halas, an nagluluwas sa saindang ngoso;