Mikas 5:3 - Marahay na Bareta Biblia

³ Kaya papabayaan nin Kagurangnan sa saindang mga kaiwal an saiyang banwaan sagkod na umabot an panahon na an babae mangaki nin aking lalaki. Dangan an saiyang kapwa mga Israelita na itinapok mabalik sa saindang banwaan nin Israel.

Mikas 5:3 ပူးပေါင်းရင်းမြစ်များ

1 Mga Hade 14:16

Papabayaan nin Kagurangnan an Israel huli ta nagkasala si Jeroboam asin pinapagkasala niya an banwaan nin Israel.”

2 Mga Cronica 30:7

Dai kamo mag-arog sa saindong mga ginikanan asin sa saindong mga kapwa Israelita, na dai nagin maimbod sa Kagurangnan na saindang Dios. Nahiling nindo an pagpadusa niya sainda.

Salmo 67:3

Pag-omawon ka logod kan gabos na tawo, O Dios; pag-omawon ka logod kan gabos na tawo!

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 49:6

Sinabihan ako nin Kagurangnan, “Igwa ako nin mas mahalagang trabaho para saimo, sakong sorogoon. Bako sanang ibabalik mo an kadakulaan kan natadang mga Israelita, kundi gigibohon takang sarong ilaw para sa mga nasyon— tanganing makaligtas an bilog na kinaban.”

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 31:1

Nagtataram an Kagurangnan, “Maabot an panahon na ako an magigin Dios kan gabos na tribu sa Israel, asin sinda an magigin banwaan ko.

Ezekiel 34:16

“Hahanapon ko an mga karnerong nawara, ibabalik ko an mga nalagalag, bubugkosan ko an mga nalugadan, asin bobolongon an mga may helang; alagad an mga karnerong matataba saka makokosog sakuyang gagadanon, huli ta ako sarong pastor na naggigibo nin matanos.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 2:14

Kaya ipag-iiba ko giraray siya sa desyerto; duman bibihagon ko giraray siya sa paagi nin mga tataramon nin pagkamoot.

Oseas 2:9

Kaya sa tig-ani, babawion ko an sakong mga regalong trigo saka arak, asin babawion ko man an mga telang lana saka lino na itinao ko saiya para sa saiyang gubing.

Amos 5:15

Kaongisan nindo an maraot, kamotan an tama, asin papagdanayon an hustisya sa mga hukoman; tibaad pa maherakan nin Kagurangnan an mga tawo sa nasyon na ini na nagkakaburuhay pa.

Mikas 4:4

Matoninong na mamumuhay an lambang saro sa tahaw kan sadiri niyang ubasan saka mga kahoy na higera, asin mayo nang magpapatakot saiya. An Kagurangnan nin mga hukbo an nanuga kaini.

Mikas 4:7

Pilay na sinda asin harayo sa sadiri nindang daga, alagad magibo ako nin bagong kapinonan sa mga natada, asin magigin sarong dakulang nasyon sinda. Ako an mamamayo sainda sa Bukid nin Sion magpoon sa panahon na iyan asin sagkod pa man.”

Mikas 5:7

An mga matada sa mga Israelita magigin siring sa ambon na padara nin Kagurangnan para sa mga nasyon, arog sa tagiti sa mga nagtatalubong tinanom. Magsasarig sinda sa Dios, asin bakong sa tawo.

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mikas 6:14

Makakan ka alagad dai mababasog—sa katotoohan padagos kang magugutom. Magsasaray ka, alagad dai mo iyan mapapakinabangan; an anoman na saimong sarayon raraoton ko sa gera.

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Zacarias 10:6

“Papakosogon ko an banwaan nin Juda; ililigtas ko an banwaan nin Israel. Maheherakan ko sinda asin ibabalik ko sinda sa saindang harong. Sinda magigin garo dai ko man sana tinalikodan. Ako an Kagurangnan na saindang Dios; sisimbagon ko an saindang mga pamibi.

Mateo 1:21

Mangangaki siya nin lalaki asin ngangaranan mo siyang Jesus, huli ta ililigtas niya an saiyang banwaan sa saindang mga kasalan.”

Mateo 12:50

Huli ta an siisay man na nag-ootob kan kabotan kan sakong Ama sa langit, iyo an sakong mga tugang asin an sakong ina.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Roma 8:29

An mga pinili na nin Dios, linaen man niya tanganing magin arog sinda sa saiyang Aki, tanganing an Aki iyo an magin panganay sa dakul na magturugang.