Mikas 5:12 - Marahay na Bareta Biblia

¹² Raraoton ko an ginagamit nindong salamangka dangan babayaan ko kamong mayo ni sarong parahula.

Mikas 5:12 ပူးပေါင်းရင်းမြစ်များ

Isaias 2:18

Dangan magkakawarara an mga dios-dios.

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Isaias 27:9

Alagad papatawadon sana an kasalan nin Israel kun an mga gapo sa paganong mga altar maronot na arog sa tisa, asin mayo nang nagtitindog na altar nin insenso o simbolo kan diosang si Asera.

Isaias 44:17

An natada na kahoy ginigibo niyang sarong ladawan, dangan minaluhod dangan minasamba kaiyan. Pinapamibian niya iyan asin minasabi, “Ika an sakong dios—ligtasan ako!”

Ezekiel 16:41

Susuloon ninda an saimong mga harong asin papadusahan ka ninda sa atubang nin dakul na babae. Oontokon ko an saimong pagigin maraot na babae asin an pagtao mo nin mga regalo sa mga kadorogan mo.

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Deuteronomio 18:14

Dangan nagsabi si Moises, “Sa daga na lalaogan nindo, an mga tawo nagsusunod sa mga hulit kan mga paratood-tood saka mga parahula; alagad ipinapangalad nin Kagurangnan na saindong Dios an paggibo nindo kaiyan.

Kapahayagan 19:20

Nabihag an hayop, kaiba an bakong tunay na propeta na nagpahiling nin mga milagro sa atubangan kan hayop. (Huli kan mga milagrong idto nadaya niya idtong mga may marka kan hayop saka an mga nagsamba sa ladawan kan hayop.) An hayop dangan an bakong tunay na propeta parehong itinapok na buhay duman sa danaw nin naglalaad na asupre.

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.