Mikas 3:4 - Marahay na Bareta Biblia

⁴ Madatong an panahon na maagrangay kamo sa Kagurangnan, alagad dai niya kamo sisimbagon. Dai niya dadangogon an saindong mga pamibi, huli ta maraot an saindong mga gibo.

Mikas 3:4 ပူးပေါင်းရင်းမြစ်များ

An Libro ni Job 27:9

Madadangog daw nin Dios an saindang inagrangay, kun dumatong sainda an kasakitan?

An Libro ni Job 35:13

Totoong gayo na dai dinadangog an mayong halagang inagrangay; dai sinda hihilingon ni dadangogon kan Makakamhan na Dios.

Salmo 18:41

Sinda nag-agrangay alagad mayong nagligtas; nag-apod sinda sa Kagurangnan, alagad dai niya sinda sinimbag.

Mga Talinhaga 1:28

Dangan maapod kamo sako, alagad dai ako masimbag; hahanapon nindo ako, alagad dai nindo ako makukua.

Mga Talinhaga 28:9

Makauuyam maski an pamibi kan tawong habong maghinanyog sa katogonan.

Isaias 1:15

Kun iniitaas mo an saimong mga kamot sa pagpamibi, dai taka hihilingon; maski dugangan mo an saimong pamibi, dai taka hihinanyogon; huli ta pano nin dugo an saimong mga kamot.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Jeremias 11:11

Kaya ngunyan ako, an Kagurangnan, an madara sainda nin karatan na dai ninda madudulagan; maski pa mag-agrangay sinda sako, dai ko sinda dadangogon.

Jeremias 14:12

Maski sinda mag-ayuno, dai ko hihinanyogon an saindang pag-agrangay; asin maski pa magdolot sinda sako nin mga tinutong na atang saka mga pagkakan, dai ako mawiwili sainda. Embes kaiyan, gagadanon ko sinda sa gera asin sa gutom saka sa helang.”

Jeremias 33:5

An nagkapira sainda makikilaban sa mga taga Babilonia, na mapano kan mga harong nin mga bangkay kan mga tawong gagadanon ko huli kan sakong kaanggotan asin kabangisan. Tinalikodan ko an syudad na ini huli kan gabos na kasombikalan kan mga tawo digdi.

Jeremias 5:31

an mga propeta mayo nin itinataram kundi kaputikan; an mga padi namamayo sosog sa pagboot kan mga propeta, asin inooyonan ini kan sakong banwaan. Alagad ano an saindang gigibohon kun mag-abot na an kataposan?”

Ezekiel 8:18

Mamamatean ninda an gabat kan sakuyang kaanggotan. Dai ko sinda paliligtason o maheherakan. Maski magkurahaw pa sinda sa saindang pagpamibi sa sako, dai ko sinda dadangogon.”

Mikas 3:7

An mga naghuhula kan maabot na panahon mawawaraan nin onra huli ta dai mangyayari an saindang hula. Gabos sinda magkakasoropog huli ta dai sinda sisimbagon nin Dios.

Mikas 7:13

Alagad magigin sarong desyerto an daga huli kan karatan kan mga nag-eerok diyan.

Zacarias 7:13

Huli ta dai sinda nagdangog kan magtaram ako, dai man ako nagsimbag kan mamibi sinda.

Mateo 7:22

Pag-abot kan Huring Aldaw, dakul an masabi sako, ‘Kagurangnan, Kagurangnan, nagpropesiya kami, nagpaluwas nin mga demonyo, asin naggibo nin mga ngangalasan sa ngaran mo!’

Lukas 13:25

Kun serahan na kan kagharong an pintoan, kamong mga nagtitindog sa luwas mapoon pagtoktok asin pag-apod, ‘Kagurangnan, bukasan mo man kami!’ Alagad masimbag siya saindo, ‘Dai ko aram kun mga taga saen kamo!’

Juan 9:31

Aram ta na dai dinadangog nin Dios an mga parakasala, kundi an nagsasamba sana saka nag-ootob kan saiyang kabotan.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

1 Samuel 8:18

Pag-abot kan panahon na iyan, maagrangay kamo huli kan saindong hade na pinili nindo para saindo, alagad dai kamo dadangogon nin Kagurangnan.”