Mikas 3:1 - Marahay na Bareta Biblia

¹ Pagdangog kamo, mga pamayo nin Israel! Kamo kutana an mga tawong dapat nagmamakulog dapit sa hustisya,

Mikas 3:1 ပူးပေါင်းရင်းမြစ်များ

Nehemias 13:17

Inanggotan ko an mga lider nin Juda asin sinabihan, “Ano ining karatan na ginigibo nindo? Dai nindo pinapabanal an Sabbath!

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Isaias 1:10

Jerusalem, an saimong mga pamayo asin banwaan nakakaarog sa taga Sodoma saka Gomorra. Dangoga an itinataram saimo nin Kagurangnan. Hinanyoga an itinutukdo saimo kan saimong Dios.

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Ezekiel 22:6

An gabos na lider nin Israel nagsasarig sa sadiri nindang kosog asin nanggagadan.

Ezekiel 34:2

“Aki nin tawo, magpropesiya ka laban sa mga namamayo nin Israel. Sabihan mo sinda na ini an tataramon ko, an Kagurangnan Dios: Herak man saindo, mga pastor nin Israel! Binabasog nindo an saindong sadiri, alagad dai nindo inaataman an mga karnero.

Ezekiel 34:3

Iniinom nindo an gatas, ginigibong gubing an balukag asin binubuno nindo an pinakamarahay na mga karnero, alagad dai nindo sinda inaataman.

Ezekiel 9:9

Nagsimbag an Dios, “Dakula nin marahay an kasalan kan mga tawo sa Israel asin Juda; an daga pano nin dugo asin an syudad pano nin inhustisya. Nagsasabi sinda, ‘Pinabayaan nin Kagurangnan an satong daga asin dai niya kita mahihiling!’

Oseas 5:1

“Mga padi, dangoga nindo ini! Paghinanyog kamo, banwaan nin Israel! Paghimate kamo, kamo na kaayon sa pamilya kan hade! Dapat ipinahiling nindo an hustisya sa saindong paghukom—kaya kamo an huhukoman! Nagin sarong siod kamo sa Mizpa, sarong hikot na nabibiklad sa Bukid nin Tabor,

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Mikas 2:13

An Dios iyo an mabukas nin agihan para sainda dangan mahale sa sainda sa pagkatapokan. Maruluwas sinda sa mga trangkahan kan syudad asin magigin talingkas. An saindang hade, an Kagurangnan mismo, iyo an mangengenot sainda paluwas.

1 Corinto 6:5

Masopog kamo! Ano, mayo diyan saindo nin maski saro na tataong maghusay kan iriwal nin magturugang?

Deuteronomio 16:18

“Magbugtak kamo nin mga hukom asin iba pang opisyal sa lambang banwa na itinatao saindo nin Kagurangnan na saindong Dios. An mga lalaking ini iyo an mahukom sa mga tawo sa matanos na paagi.