Mikas 2:9 - Marahay na Bareta Biblia

⁹ Inaalaw nindo paluwas kan mga harong na saindang namomotan an mga babae sa sakong banwaan, asin inaagawan nindo an saindang kaakian kan itinatao kong daing tapos na bendisyon.

Mikas 2:9 ပူးပေါင်းရင်းမြစ်များ

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Jeremias 10:20

Raot na an samong mga tolda; nagkaparatod na an mga lubid kaini. Mayo na an gabos ming aki; mayo na nin natadang matugdok giraray kan samong mga tolda; mayo na nin masabit kan mga kurtina.”

Ezekiel 39:21

Nagtaram an Kagurangnan, “Ipapahiling ko sa mga nasyon an sakuyang kamurawayan asin kun paano ko ginagamit an sakuyang kapangyarihan tanganing maotob an matanos kong mga paghukom.

Joel 3:6

Dinara man nindo an mga taga Juda saka mga taga Jerusalem harayo sa saindang daga dangan ipinabakal nindo sinda sa mga Griyego.

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Zacarias 2:5

Nanuga an Kagurangnan na siya mismo an magigin kudal na kalayo sa palibot kan syudad asin siya an magigin kamurawayan sa laog kaiyan.”

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Markos 12:40

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Lukas 20:47

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

2 Corinto 4:6

An Dios na nagsabi, “An ilaw maliwanag hale sa kadikloman!” Iyo man an Dios na nagtao nin liwanag sa puso ta, tanganing mamidbidan an orog pang kamurawayan na nasa lalawogon ni Cristo.

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.