Mikas 2:1 - Marahay na Bareta Biblia

¹ Herak man sa mga tawong nagpupuka asin nagpaplano nin karatan! Pagsirang kan aldaw, ginigibo ninda tolos an saindang maraot na plano.

Mikas 2:1 ပူးပေါင်းရင်းမြစ်များ

Genesis 31:29

Pwede takang kulogan, alagad pinatanidan ako kan Dios nin saimong ama kasubanggi na dai taka nanggad pagtakoton sa ano man na paagi.

1 Mga Hade 21:7

“Bakong ika an hade nin Israel?” an simbag saiya ni Jezebel. “Magbangon ka, mag-ogma saka magkakan. Kukuahon ko para saimo an ubasan ni Nabot!”

Esther 3:8

Dangan nagsabi si Haman ki Hadeng Jerjes, “Igwa nin sarong rasa nin mga tawo na nakawarak sa bilog mong imperyo asin manunumpongan sa lambang probinsya. May sinusunod sindang mga kaugalean na iba kan sa ibang tawo, asin dai ninda kinukuyog an saimong mga katogonan. Mayo sinda nin ibubungang marahay sa saimo kun pabayaan mo sinda.

Esther 5:14

Kaya sinabihan siya kan agom niya asin kan saiyang mga katood, “Magpagibo ka nin bitayan na beynte y dos metros an langkaw, asin sa aga hagadon mo sa hade na bitayon duman si Mardokeo. Dangan maogma kang maduman sa bangkete kaiba an hade.” Naoyonan ini ni Haman, kaya nagpagibo siya nin bitayan.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

An Libro ni Job 15:35

Ini an mga tawo na nagpaplano nin kasakitan saka naggigibo nin karatan; an saindang mga puso danay na pano nin pandadaya.”

An Libro ni Job 24:14

Pagkaaga, minabangon an paragadan tanganing gadanon an dukha saka mayong sukat; pagkabanggi, nakakaagid siya sa sarong mahabon.

Salmo 36:4

Minamukna siya nin maraot sa saiyang higdaan; mayo na saiya maski anong karahayan, dai siya minasayuma sa anoman na karatan.

Salmo 36:5

Kagurangnan, an danay mong pagkamoot nakakaabot sa kalangitan; an saimong pagkamaimbod nakakaabot sa kapanganoronan.

Salmo 58:3

Poon na ipangidam, an mga tampalasan naglalagalag na; putikon na sinda poon pagkamundag.

Mga Talinhaga 12:2

Nawiwilihan nin Kagurangnan an marahay na tawo, alagad pinapadusahan niya an nag-iisip nin karatan.

Mga Talinhaga 14:22

Bako daw kasalan an pag-isip nin maraot? An nag-iisip nin marahay sinasarigan saka ginagalangan.

Mga Talinhaga 3:27

Dai mo ipagsayuma an karahayan sa tawong nangangaipo kaiyan, kun makakaya mong gibohon iyan.

Mga Talinhaga 4:16

Huli ta an mga tampalasan dai nangangatorog kun dai nakakagibo nin maraot, asin kun mayo sinda nin nakukulogan.

Isaias 29:20

Iyan an magigin kataposan kan mga nang-aapi sa iba asin nagpapahiling nin mayong paggalang sa Dios. Gagadanon an gabos na makasalan.

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Isaias 59:3

An saindong mga kamot nadigtaan nin dugo asin an saindong mga muro nadigtaan nin kadahasan; mga putikon kamo asin mga madaya.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Ezekiel 11:2

Tinaraman ako nin Dios, “Aki nin tawo, an mga tawong ini nagpaplano nin maraot asin nagtatao nin maraot na hatol sa syudad.

Ezekiel 33:26

Nananarig kamo sa saindong mga espada. Makauuyam an saindong mga gawe, asin an lambang saro saindo nakikidorog sa bako niyang agom. Paano nindo naiisip na sadiri nindo an daga?

Ezekiel 38:10

Ini an itinataram nin Kagurangnan Dios ki Gog, “Pag-abot kan panahon na iyan, mapoon kang magplano nin maraot.

Ezekiel 46:18

An prinsipe dai dapat magkua kan arin man na pagsadiri kan mga tawo. An arin man na daga na ipapamana niya sa saiyang mga aking lalaki kaipuhan gikan sa daga na sadiri niya, tanganing dai niya maapi an siisay man sa sakuyang banwaan sa paagi kan pagkua niya kan saindang daga.”

Mikas 6:12

An saimong mga mayaman na namamanwaan nang-aapi sa mga dukha asin gabos sinda putikon.

Nahum 1:11

Hale saimo, Nineve, igwa nin nagtungang sarong tawo na pano nin maraot na mga plano, na nagplano tumang sa Kagurangnan.

Zacarias 7:10

Dai nindo pag-apihon an mga babaeng balo, an mga ilo, an mga dayuhan na nag-eerok sa kaibahan nindo, o an mga dukha. Dai kamo mag-isip nin maraot sa saindong kapwa.’

Markos 15:1

Pagkaagang amay nagtiripon an mga poon na padi, an mga kamagurangan, an mga paratukdo kan Katogonan dangan an bilog na Konseho. Ginapos ninda si Jesus asin dinara ki Pilato.

Lukas 20:19

Nasabotan kan mga paratukdo kan Katogonan asin kan mga poon na padi na sinda an pinapanongdan ni Jesus kan parabolang idto. Naghingowa sindang dakopon si Jesus kan oras na iyan, alagad natakot sinda sa mga tawo.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Mga Gibo 23:12

Pagkaaga, nagtiripon an nagkapirang mga Judio asin nagkaoroyon sinda na gadanon si Pablo. Nagsumpa sinda na dai makakan o mainom nin anoman sagkod na magadan ninda si Pablo.

Mga Gibo 23:15

Kaya ngunyan, kamo saka an Konseho magpasabi sa komandanteng Romano na darahon saindo si Pablo. Magdahelan kamo na boot pa nindong makakua nin impormasyon dapit saiya. Alagad gagadanon mi siya bago siya makaabot digdi.”

Roma 1:30

mga paralibak, naoongis sa Dios, mga daing ugale, mapalangkaw asin mapaabaw-abaw; mga paratogdas nin karatan, mga sutil sa magurang;

Deuteronomio 28:32

Sa atubang nindo, itatao sa mga dayuhan an saindong mga aking lalaki saka babae, alagad mayo kamong magiginibo tanganing tabangan sinda. Aroaldaw mapapagal an saindong mga mata sa paghalat sainda alagad dai sinda mabalik.