Mikas 1:9 - Marahay na Bareta Biblia

⁹ Dai na mabobolong an mga lugad nin Samaria, asin madali na man na magtios sa siring na paagi an Juda; an pagkarumpag nakaabot na sa mga trangkahan nin Jerusalem, sa lugar na pinag-eerokan kan sakong banwaan.”

Mikas 1:9 ပူးပေါင်းရင်းမြစ်များ

Isaias 3:26

Magtatangis asin magmomondo an mga trangkahan nin Jerusalem dangan siring sa sarong babae, huba na matukaw siya sa daga.

Isaias 36:1

Kan ikakatorseng taon kan paghahade ni Ezekias nin Juda, sinalakay ni Senakerib, na emperador nin Asiria, an pusog na mga syudad nin Juda dangan sinakop an mga ini.

Isaias 36:2

Dangan nagboot si Senakerib sa pinakahalangkaw niyang opisyal na magduman sa Jerusalem hale sa Lakis, kaiba an dakulang hukbo. Pinagbotan niya an opisyal na hagadon ki Hadeng Ezekias na sumuko. Nagtindog an opisyal sa dalan saen nagtatrabaho an mga paragibo nin tela, sa may kali na pinagbubulosan kan tubig hale sa itaas na sapa.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Jeremias 46:11

Mga taga Egipto, dumuman kamo sa Gilead saka maghanap duman nin pambolong! Mayo nin halaga an kadakul bolong; mayo na nin pampaomay saimo.

Mikas 1:12

An mga taga Marot may kahandalan na naghahalat nin tabang, huli ta an Kagurangnan nagdara nin kapahamakan sagkod sa trangkahan nin Jerusalem.

Mikas 6:13

Kaya pinoonan ko na an pagrumpag saka pagraot saimo huli kan mga kasalan mo.

Nahum 3:19

Mayo nin bolong para sa saimong namamatean, asin mayong karahayan an saimong mga lugad. Mag-ooropak an mga makadangog kan saimong pagbagsak. May nakaligtas daw sa saimong mayong ontok na kakurihan?