Mikas 1:14 - Marahay na Bareta Biblia

¹⁴ Mga taga Juda, magpaaram na kamo sa banwa nin Moreset-gat; mayong ikakataong tabang sa mga hade nin Israel an banwa nin Aczib.

Mikas 1:14 ပူးပေါင်းရင်းမြစ်များ

2 Samuel 8:2

Dinaog man niya an mga Moabita; pinahigda niya an mga ini sa daga asin ginadan an duwa sa lambang tolo sa sainda. Kaya an mga Moabita nagin mga sorogoon ni David asin nagbayad sinda saiya nin buhis.

2 Mga Hade 16:8

Kinua ni Ahaz an plata saka bulawan sa Templo asin sa kaban nin yaman sa palasyo dangan irinegalo sa emperador nin Asiria.

Salmo 62:9

An tawo siring sana sa sarong hinangos; dakula man o sadit, mayong halaga an gabos. Bugtakan sinda sa timbangan, asin mayo sinda nin gabat; mas magian pa sinda sa sarong hinangos.

Isaias 30:6

Iyo ini an mensahe nin Dios dapit sa mga hayop kan kalangtadan sa habagat: “An mga sugo naglakaw sa daga na pano nin pag-alaman, saen nag-eerok an mga leon asin saen igwa nin makamandag na mga halas saka naglalayog na mga dragon. Kinakargahan ninda an likod kan saindang mga asno saka mga kamelyo nin mahahalagang mga regalo para sa sarong nasyon na dai makakatao sainda nin tabang.

Jeremias 15:18

Tadaw ta dai na natatapos an sakong kasakitan? Tadaw ta dai na nabobolong an sakong mga lugad? Tinutuyo mo daw na, para sako, ika magin arog sa sarong sapa na nagmamara sa tig-init?”

Josue 15:44

Keila, Aczib, asin Maresa: siyam na syudad gabos, kaiba an mga banwa sa palibot kan mga iyan.