Mikas 1:1 - Marahay na Bareta Biblia

¹ Kan panahon na si Jotam, Ahaz, asin Ezekias iyo an mga hade nin Juda, tinawan nin Kagurangnan si Mikas, na taga Moreset, kan mensaheng ini. Ipinahayag nin Kagurangnan ki Mikas an gabos na bagay na ini dapit sa Samaria saka sa Jerusalem.

Mikas 1:1 ပူးပေါင်းရင်းမြစ်များ

2 Mga Hade 15:32

Kan ikaduwang taon kan paghahade sa Israel ni Peka na aking lalaki ni Remalias, nagin hade nin Juda si Jotam na aking lalaki ni Uzzias.

2 Mga Hade 15:5

Pinadusahan nin Kagurangnan si Uzzias kaya nagkaigwa siya nin nakakatakot na helang sa kublit sagkod na siya magadan. Nag-erok siya sa sarong siblag na harong. Si Jotam na aki niyang lalaki iyo an namahala kan saiyang harong asin nagpadalagan kan banwaan.

2 Mga Hade 16:1

Kan ikadyes y syeteng taon nin paghahade sa Israel ni Peka na aking lalaki ni Remalias, nagin hade nin Juda si Ahaz na aking lalaki ni Jotam.

2 Mga Hade 18:1

Kan ikatolong taon nin paghahade sa Israel ni Hosea na aking lalaki ni Ela, nagin hade nin Juda si Ezekias na aking lalaki ni Ahaz.

2 Mga Cronica 28:1

Beynteng taon an edad ni Ahaz kan siya magin hade, asin dyes y seis na taon siyang naghade sa Jerusalem. Dai niya inarog si David na saiyang ginikanan, kundi ginibo niya an bakong matanos sa atubang nin Kagurangnan

2 Mga Cronica 29:1

Beynte y singkong taon an edad ni Ezekias kan siya magin hade, asin beynte y nuebeng taon siyang naghade sa Jerusalem. An saiyang ina iyo si Abias na aki ni Zacarias.

Isaias 1:1

Nasa librong ini an bisyon na nahiling ni Isaias, na aking lalaki ni Amoz, dapit sa Juda asin sa Jerusalem kan panahon kan paghahade sa Juda ni Uzzias, ni Jotam, ni Ahaz asin ni Ezekias.

Isaias 1:2

Pagdangog, O kalangitan, asin paghinanyog, O daga; huli ta nagtaram an Kagurangnan, “Nagpadakula ako nin mga aking lalaki, alagad nagrebelde sinda tumang sako.

Isaias 7:1

Kan si Hadeng Ahaz, na aking lalaki ni Jotam asin makoapo ni Uzzias, iyo an naghahade sa Juda, nagtukad pasiring sa Jerusalem si Rezin na hade nin Siria, asin si Peka na aking lalaki ni Remalias na hade nin Israel, tanganing salakayon an syudad alagad dai ninda nakayang salakayon ini.

Isaias 7:9

An pangenot na syudad nin Israel iyo an Samaria, asin an pamayo nin Samaria si Peka na aki ni Remalias. “Kun dai kamo magtubod, dai kamo mapapapusog.”

Jeremias 26:18

“Kan si Ezekias iyo an hade nin Juda, tinaraman ni Mikas na taga Moreset an gabos na tawo na nagtaram an Kagurangnan nin mga hukbo, ‘An Sion aaradohon arog sa sarong oma; an Jerusalem magigin sarong tambak nin mga raot, asin an bulod na natitindogan kan Templo magigin sarong kadlagan.’

Oseas 1:1

Ini an mensahe na itinao nin Kagurangnan ki Oseas na aking lalaki ni Beeri kan panahon na si Uzzias, Jotam, Ahaz, saka si Ezekias iyo an nagin mga hade nin Juda, asin kan si Jeroboam na aking lalaki ni Jehoas iyo an hade nin Israel.

Oseas 4:15

“O Israel, maski dai ka nagin maimbod sako, an mga taga Juda dai man logod magkasala nin siring. Dai kamo magsamba sa Gilgal o sa Bet-Aven, ni magsumpa duman sa ngaran kan buhay na Kagurangnan.

Oseas 8:14

“Nagpatindog nin mga palasyo an banwaan nin Israel, alagad nalingawan ninda an Kaglalang sainda. An mga taga Juda nagpatindog nin pinapusog na mga syudad, alagad mapadara ako nin kalayo na masulo kan saindang mga palasyo saka mga syudad.”

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 6:1

Herak man saindo na namumuhay sa kaginhawahan sa Sion asin sa saindo na nakakamate nin katiwasayan sa Samaria—kamong bantog na kalalakihan kaining dakulang nasyon nin Israel, kamong dinudolok kan mga tawo tanganing magpatabang!

Mikas 1:5

Mangyayari an gabos na ini huli ta nagkasala sa Dios an Israel. Siisay an dapat basolon sa pagrebelde nin Israel? Mayong iba kundi an Samaria, an pangenot na syudad! Siisay sa Juda an nagkasala nin pagsamba sa mga dios-dios? Mayong iba kundi an Jerusalem!

Mikas 3:9

Dangoga nindo ako, kamong mga pamayo nin Israel, na naoongis sa hustisya asin nagbibiko sa katanosan.

Habakkuk 1:1

Iyo ini an mensahe na ipinahayag nin Kagurangnan sa propetang si Habakkuk.

2 Pedro 1:21

Huli ta mayo nin propesiya na gikan sa kabotan kan tawo; kundi sa irarom kan kapangyarihan kan Espiritu Santo, an mga tawo nagtataram kan mensahe na hale sa Dios.