Mga Talinhaga 8:9 - Marahay na Bareta Biblia

⁹ Malinaw ini para sa tawong may pakasabot; sa madonong, tama ini gabos.

Mga Talinhaga 8:9 ပူးပေါင်းရင်းမြစ်များ

Mga Talinhaga 14:6

An mahambog na tawo dai nanggad magigin madonong, alagad an madonong madaling makanood.

Mga Talinhaga 15:14

An tawong may pakasabot naghahanap nin pakaaram, alagad an mangmang kontento na sa saiyang kamangmangan.

Mga Talinhaga 15:24

An dalan kan madonong patukad sa buhay, tanganing malikayan niya an kagadanan na nasa ibaba.

Mga Talinhaga 17:24

An kadonongan iyo an kamawotan kan tawong may pakasabot, alagad dakul an kamawotan kan sarong lolong.

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 3:13

Paladan an tawong nakakakua nin kadonongan asin an tawong nagkakamit nin pakasabot.

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Mikas 2:7

Sa paghona mo daw, nasa irarom nin maldisyon an banwaan nin Israel? Naubos na daw an pasensya nin Kagurangnan? Gibohon daw niya an mga bagay na iyan? Bakong may pagkaherak na tinataraman niya an mga naggigibo nin tama?”

Juan 6:45

Nasusurat sa libro kan mga propeta, ‘Tutukdoan nin Dios an gabos na tawo.’ An nakadangog sa ama saka nakanood, minadolok sako.

Juan 7:17

Maiisihan nin siisay man na boot mag-otob kan ipinagboboot nin Dios, kun an itinutukdo ko hale sa Dios, o kun nagtataram ako sa sadiri ko sanang kabotan.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.