Mga Talinhaga 8:23 - Marahay na Bareta Biblia

²³ Linalang niya ako sa kapinonan, sa kaenot-enote, bago nagpoon an kinaban.

Mga Talinhaga 8:23 ပူးပေါင်းရင်းမြစ်များ

Genesis 1:26

Dangan nagtaram an Dios, “Ngunyan gibohon ta an katawohan sa satong ladawan; gibohon ta sindang arog sato. Magkakaigwa sinda nin kapangyarihan sa mga sira, sa mga gamgam, asin sa gabos na hayop, manso man o lalaw, dakula man o sadit.”

Salmo 2:6

Nagtaram siya, “Ibinugtak ko an sakong hade sa Sion, an banal kong bulod.”

Mga Talinhaga 4:7

An pakakua nin kadonongan iyo an pinakamahalaga. Maski ano pa an makua mo, pakaaram an saimong kuahon.

Mikas 5:1

Banwaan nin Jerusalem, tipona an saimong hukbo! Napapalibotan na kita! Sinasalakay ninda an lider nin Israel!

Mikas 5:2

Nagsasabi an Kagurangnan, “Betlehem Efrata, ika an pinakasadit na banwa sa Juda, alagad hale sa saimo maluwas para sa sako an saro na iyo an magigin lider nin Israel, na an ginikanan masososog pa sa mga suanoy na panahon.”

Juan 1:1

Sa kapinonan iyo an Tataramon; an Tataramon kaibahan nin Dios, asin an Tataramon Dios.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Juan 17:5

Kaya, Ama, tawan sako ngunyan an kamurawayan na yaon sako kan kaiba mo ako bago lalangon an kinaban.