Mga Talinhaga 8:12 - Marahay na Bareta Biblia

¹² Ako, an kadonongan, igwa nin pakasabot; igwa ako nin pakaaram saka marahay na hatol.

Mga Talinhaga 8:12 ပူးပေါင်းရင်းမြစ်များ

1 Mga Hade 7:14

An saiyang ama, na haloy nang gadan, gikan sa Tiro asin sarong ekspertong panday nin bronse; an saiyang ina gikan sa tribu ni Neftali. Si Huram sarong madonong na panday asin eksperto sa paggibo nin mga kagamitan na bronse. Nagduman si Huram ki Hadeng Solomon asin ginibo an gabos niyang trabaho.

1 Mga Cronica 28:12

Itinao man niya ki Solomon an plano kan gabos na inisip niya para sa patyo asin mga kwarto sa palibot, sa mga sarayan kan mga kagamitan sa Templo saka mga regalong dolot sa Kagurangnan.

1 Mga Cronica 28:19

Nagsabi si David, “Ini gabos nasusurat sa planong ginibo sosog sa mga katukdoan na ipinapakuyog sako nin Kagurangnan.”

2 Mga Cronica 13:14

Kan magsalingoy an mga taga Juda nahiling ninda na napapalibotan sinda kan saindang mga kaiwal. Nagkurahaw sinda sa Kagurangnan tanganing tabangan asin pinatanog kan mga padi an mga trompeta.

Salmo 104:24

Kagurangnan, kadakul an saimong mga gibo! Sa kadonongan, iyan gabos ginibo mo! An daga pano kan saimong mga linalang.

Exodo 35:30

Sinabihan ni Moises an mga Israelita, “Pinili nin Kagurangnan si Bezalel, na aking lalaki ni Uri saka makoapo ni Hur na gikan sa tribu ni Juda.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Mga Talinhaga 8:5

Kamong mga mangmang, saboton nindo an marahay na hatol; kamong mga lolong, adalan nindo an marahay na kaisipan.

Isaias 28:26

Aram niya an saiyang trabaho, huli ta tinukdoan siya nin Dios.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!

Efeso 1:11

An gabos na bagay nahahaman sosog sa plano asin kabotan nin Dios; huli ki Cristo, pinili niya kami na magin sadiri niyang banwaan dahel sa sadiri niyang katuyohan, na dati niya nang inisip poon pa sa kapinonan.

Efeso 1:8

na pinasupay niya sato! Tinawan niya kita nin kadonongan saka pakaaram,

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.

Colosas 2:3

Sa saiya nakatago an gabos na kayamanan nin kadonongan saka pakasabot nin Dios.