Mga Talinhaga 8:11 - Marahay na Bareta Biblia

¹¹ “Ako, an kadonongan, orog na marahay ki sa mga alahas; mayo kamo nin mamawoton na pwedeng ikapantay sako.

Mga Talinhaga 8:11 ပူးပေါင်းရင်းမြစ်များ

Salmo 119:103

Mahamis na gayo an saimong mga katukdoan— orog na mahamis ki sa dugos sa sakong ngoso!

Salmo 119:127

Namomotan ko an saimong mga kabotan orog pa ki sa bulawan, orog pa ki sa purong bulawan.

Salmo 119:72

Orog na mahalaga sa sako an itinao mong katogonan ki kan gabos na kwarta sa kinaban.

Salmo 19:10

Orog pang minamawot ki sa bulawan, ki sa purong bulawan; orog na mahamis ki sa dugos, asin sa mga tagdo nin anira.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Mga Talinhaga 31:10

Masakit an paghanap nin marahay na agom na babae? Mas mahalaga siya ki sa mga alahas.

Parahulit 7:11

An gabos na tawong nabubuhay dapat magin madonong; marahay iyan siring sa pag-ako nin kahirasan.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Deuteronomio 30:13

Bako man iyan nasa ibong kan dagat, kaya dai kamo pwedeng magsabi, ‘Siisay daw an mabalyo kan dagat asin makua kaiyan para samo, tanganing samong madangog dangan magibo?’