Mga Talinhaga 7:7 - Marahay na Bareta Biblia

⁷ asin nahiling ko an dakul na mayong eksperyensyang mga hoben na lalaki, alagad may namasdan akong sarong lolong na hoben.

Mga Talinhaga 7:7 ပူးပေါင်းရင်းမြစ်များ

An Libro ni Job 24:15

An lalaking paradorog sa bako niyang agom naghahalat kan pagdiklom, nagsasabing, ‘Mayo nin makakahiling sako’; asin tinatahoban an saiyang lalawogon.

Salmo 119:130

An paliwanag kan saimong mga tataramon minatao nin liwanag; nagdadara iyan nin kadonongan sa mga mangmang.

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Mga Talinhaga 1:22

“O mga lolong, kontento na daw kamo sa saindong pagkalolong? Sagkod nuarin nindo pag-oolog-ologon an pakaaram? Dai pa nanggad kamo nakakanood?

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Mga Talinhaga 1:4

Ginigibo kaining madonong an mayong eksperyensya asin tinutukdoan kaini an mga hoben kun paano an pagdesisyon nin tama.

Mga Talinhaga 10:13

Sa mga ngabil kan may pakasabot manunumpongan an kadonongan, alagad pamakol an dapat sa likod kan tawong mayo nin toltol na kaisipan.

Mga Talinhaga 12:11

An mahigos na paraoma igwa nin dakul na kakanon, alagad kalolongan an magsayang nin panahon sa mayo nin halagang mga proyekto.

Mga Talinhaga 14:15

Naniniwala an mangmang sa gabos niyang nadadangog, alagad minamaanan kan madonong an saiyang linalakawan.

Mga Talinhaga 14:18

Nakukua kan mangmang an maninigo sa saiyang kalolongan, alagad babalosan nin pakaaram an tawong may toltol na kaisipan.

Mga Talinhaga 19:2

Bakong marahay para sa sarong tawo an mayo nin pakaaram; an naghihidali dai nakakakua kan dalan.

Mga Talinhaga 19:25

Padusahan mo an paraolog-olog asin makakanood maski an mangmang. Sagweon mo an may pakasabot, asin madadagdagan an saiyang naaaraman.

Mga Talinhaga 22:3

Nahihiling kan madonong an nagdadangadang na pag-alaman, asin minaingat siya; alagad dai iyan naririparo kan mangmang kaya nahuhulog siya sa kapahamakan.

Mga Talinhaga 24:30

Nag-agi ako sa oma saka sa ubasan kan hugakon asin mangmang na tawo.

Mga Talinhaga 27:12

Minatago an madonong kun may nahihiling na pag-alaman, alagad dai minalikay an mangmang asin pinagdudusahan niya iyan.

Mga Talinhaga 5:1

Aki ko, himatea nin marahay an sakong kadonongan asin dangoga an sakong pakasabot,

Mga Talinhaga 6:20

Aki ko, sunodon mo an pagboot kan saimong ama, asin dai mo ipagsikwal an itinukdo kan saimong ina.

Mga Talinhaga 6:32

An nakikidorog sa bakong agom mayo nin marahay na kaisipan; rinaraot man sana niya an saiyang sadiri.

Mga Talinhaga 8:5

Kamong mga mangmang, saboton nindo an marahay na hatol; kamong mga lolong, adalan nindo an marahay na kaisipan.

Mga Talinhaga 9:16

“Pumadigdi an siisay man na mangmang!” An lolong sinasabihan niya,

Mga Talinhaga 9:4

“Magdigdi an siisay man na mangmang!” Dangan an lolong sinasabihan niya,

Jeremias 4:22

An Kagurangnan nagtataram, “Mangmang an sakong banwaan; dai ninda ako midbid. Garo sinda mga aking lolong; mayo sinda nin pakasabot. Eksperto sinda sa paggibo nin maraot alagad dai sinda tataong maggibo nin matanos.”

Mateo 15:16

Nagsabi si Jesus sainda, “Dai pa nanggad kamo nakakasabot?