Mga Talinhaga 6:6 - Marahay na Bareta Biblia

⁶ Tawong hugakon, hilinga an mga tanga; masdan mo an saindang pamumuhay asin magin madonong ka.

Mga Talinhaga 6:6 ပူးပေါင်းရင်းမြစ်များ

Mga Talinhaga 1:17

Mayo nin mangyayari sa pagbiklad mo nin hikot kun an gamgam na boot mong dakopon nagmamasid.

Mga Talinhaga 10:26

Garo maalsom na suka saka asong nakakapaluha an sarong hugakon sa nagsusugo saiya.

Mga Talinhaga 10:4

An pagigin hugakon iyo an madara saimo sa kadukhaan, alagad an pagigin mahigos iyo an mapayaman saimo.

Mga Talinhaga 13:4

Maski ano an mawoton kan hugakon, dai niya iyan makakamtan. Nakakamtan kan mahigos an saiyang kamawotan.

Mga Talinhaga 15:19

An dalan kan hugakon pano nin mga tonok, alagad an tinampo kan matanos mahiwas asin patag.

Mga Talinhaga 18:9

An tawong hugakon tugang kan tawong pararaot.

Mga Talinhaga 19:15

An hugakon minapakatorog sa tawo nin haloy, asin an tawong hugakon mayo nin kakakanon.

Mga Talinhaga 19:24

Mapagal para sa sarong hugakon maski an paghungit kan saiyang kakanon.

Mga Talinhaga 20:4

An sarong paraoma na habong mag-arado sa tamang panahon mayo nin aanihon.

Mga Talinhaga 21:25

Ginagadan nin tawong hugakon an saiyang sadiri huli ta habo niyang magtrabaho;

Mga Talinhaga 22:13

An hugakon habong magluwas sa harong asin an idinadahelan iyo na tibaad gadanon siya sa luwas kan leon.

Mga Talinhaga 23:19

Paghinanyog, aki ko. Magin madonong ka asin isipon mo nin marahay an saimong pamumuhay.

Mga Talinhaga 30:24

Sa kinaban igwa nin apat na saradit na hayop, alagad madonong nin marahay:

Mga Talinhaga 30:25

An mga tanga: maluluya sinda, alagad sinasaray ninda an saindang kakanon kun tig-init.

Mga Talinhaga 6:9

Sagkod nuarin ka maghihigda, o tawong hugakon? Nuarin ka mabangon sa saimong pagkakatorog?

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Jeremias 8:7

Maski an lapay nakakaaram kun nuarin siya dapat magbalik; an agbaan, an balinsayawan saka an talaod nakakaaram kan tamang panahon nin pagbago nin erokan. Alagad, kamong sakong banwaan, dai nindo naaaraman an sakong mga pagboot.

Mateo 25:26

Tinaraman siya kan kagurangnan, ‘Saro kang maraot asin hugakon na sorogoon! Aram mo na nag-aani ako sa dai ko sinabwagan asin nagguguno nin mga bunga sa dai ko tinanoman.

Mateo 6:26

Hilinga nindo an mga gamgam na naglalayog: dai sinda nagtatanom ni nag-aani o nagtitipon nin kakanon sa mga harong-harong; alagad pinapakakan sinda kan saindong langitnon na Ama! Bako daw na mas mahalaga kamo ki sa sainda?

Roma 12:11

Dai kamo maghinugak kundi magmahigos; maglingkod kamo sa Kagurangnan.

Hebreyo 6:12

Habo mi kamong magin hugakon, kundi arogon nindo idtong mga nagmamana kan mga ipinanuga nin Dios huli ta sinda nagtutubod asin mga matinios.