Mga Talinhaga 6:23 - Marahay na Bareta Biblia

²³ Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Mga Talinhaga 6:23 ပူးပေါင်းရင်းမြစ်များ

Genesis 39:8

Nagsayuma si Jose asin nagsabi, “Dai na naghahadit an sakong kagurangnan kan manongod digdi sa harong huli ta uya ako. Ginibo niya akong parapamahala kan gabos niyang pagsadiri;

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Salmo 119:130

An paliwanag kan saimong mga tataramon minatao nin liwanag; nagdadara iyan nin kadonongan sa mga mangmang.

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Salmo 19:8

Matanos gabos an mga togon nin Kagurangnan, sa puso nagtatao nin kaogmahan. An mga pagboot nin Kagurangnan dalisay, minatao nin liwanag sa isip.

Mga Talinhaga 10:17

An naghihinanyog kun sinasaway mabubuhay, alagad an dai minaako kan saindang kasalan nasa pag-alaman.

Mga Talinhaga 15:24

An dalan kan madonong patukad sa buhay, tanganing malikayan niya an kagadanan na nasa ibaba.

Mga Talinhaga 15:31

An tawong naghihinanyog sa tamang hatol magdadanay na kaibahan kan mga madonong.

Mga Talinhaga 29:15

An pagsaway asin pagdisiplina marahay para sa aki. Alagad kun siya pabayaan sa saiyang kamawotan, ikakasopog siya kan saiyang ina.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Mga Talinhaga 4:13

Pugolan mo an katukdoan, asin dai mo pagbutasan; bantayan mo siya, huli ta siya an saimong buhay.

Mga Talinhaga 4:4

tinukdoan ako kan sakong ama. An sabi niya, “Magdanay logod sa saimong puso an sakong mga tataramon; kuyoga an sakong mga togon, asin mabubuhay ka.

Mga Talinhaga 5:12

Masabi kamo, “Tadaw ta ikinaongis ko an saindang mga hatol? Tadaw ta isinikwal ko an saindang mga pagsagwe?

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Parahulit 7:5

Mas marahay para sa sarong tawo na sagweon siya nin sarong madonong ki sa omawon siya nin mga lolong.

Isaias 8:20

Simbagon nindo sinda nin, “Dangoga an itinutukdo saindo nin Kagurangnan! Dai kamo magdangog sa mga nakikiolay sa mga gadan—dai magbubunga nin marahay an sasabihon ninda saindo.”

Jeremias 21:8

Dangan tinaraman ako nin Kagurangnan na magsabi sa mga tawo, “Paghinanyog! Ako, an Kagurangnan, nagtatao saindo nin pagpipilian: an dalan pasiring sa buhay o an dalan pasiring sa kagadanan.

Ezekiel 20:11

Itinao ko sainda an sakong pagboot asin tinukdoan ko sinda kan sakong mga katogonan, na magdadara nin buhay sa kiisay man na nagkukuyog kan mga iyan.

Levitico 19:17

“Dai kamo magtanom nin maraot na boot sa kiisay man; makipag-olay kamo saiya, tanganing dai kamo magkasala huli saiya.

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

Kapahayagan 2:5

Kaya giromdoma an ginikanan mo kan ika nahulog! Magbakle ka dangan gibohon mo giraray an dati mong ginigibo kaidto. Ta kun dai ka magbakle, madiyan ako asin hahaleon ko an saimong kandelero sa namumugtakan kaiyan.