Mga Talinhaga 6:16 - Marahay na Bareta Biblia

^16-19 Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Mga Talinhaga 6:16 ပူးပေါင်းရင်းမြစ်များ

2 Mga Hade 21:16

Laen pa kan ginibo ni Manases na pangengenot sa mga tawo sa pagsamba sa mga dios-dios, na ipinagkasala ninda sa Kagurangnan, kadakul pa siyang ipinagadan na mayo nin kasalan; kaya an mga tinampo sa Jerusalem nagbulos nin dugo.

An Libro ni Job 5:19

Sa gabos na panahon ililigtas ka niya sa kapahamakan;

Salmo 11:5

Binabalo nin Kagurangnan an matanos asin an maraot; anggot siya sa mga namomoot sa dahas.

Salmo 5:7

Alagad huli ta dakula an danay mong pagkamoot, makakalaog ako sa saimong harong; makakasamba ako sa banal mong Templo, makakataong galang sa atubang mo.

Mga Talinhaga 11:1

Ikinakauyam nin Kagurangnan an timbangan na may daya. Naoogma siya sa timbangan na tama.

Mga Talinhaga 11:20

Ikinakauyam nin Kagurangnan an mga tawong may bikong kaisipan, alagad ikinakaogma niya an mga tawong naggigibo nin matanos.

Mga Talinhaga 12:22

Nauuyam an Kagurangnan sa mga putikon, alagad nawiwili siya sa mga tawong nag-ootob kan saindang panuga.

Mga Talinhaga 17:15

An minaoyon sa tampalasan asin an minapadusa sa matanos parehong ikinakaongis nin Kagurangnan.

Mga Talinhaga 20:10

Naoongisan nin Kagurangnan an mga tawong naggagamit nin may dayang timbangan saka sukolan.

Mga Talinhaga 20:23

Naoongisan nin Kagurangnan an mga tawong naggagamit nin salang timbangan asin sukolan.

Mga Talinhaga 21:4

Pagkamoot sa sadiri asin kapaabaw-abawan—iyo an tanda kan maraot saka iyan kasalan.

Mga Talinhaga 3:32

Huli ta ikinakaongis nin Kagurangnan an tawong naggigibo nin karatan, alagad an mga tawong matanos saiyang inaataman.

Mga Talinhaga 30:18

Igwa nin apat na bagay na makangangalas asin dai ko nasasabotan:

Mga Talinhaga 30:21

Igwa nin apat na bagay na dai matitios kan kinaban:

Mga Talinhaga 30:24

Sa kinaban igwa nin apat na saradit na hayop, alagad madonong nin marahay:

Mga Talinhaga 30:29

Igwa nin apat na bagay na magayon pagmasdan mantang naglalakaw:

Mga Talinhaga 6:15

Huli kaini, biglang maabot saiya an kapahamakan, asin an lugad na makukua niya dai nanggad mabobolong.

Mga Talinhaga 8:13

An pagkatakot sa Kagurangnan iyo an pagkaongis sa karatan; ikinakaongis ko an kapalangkawan asin an kapaabaw-abawan, an mga karatan saka an mga bikong tataramon.

Jeremias 26:15

Aramon nanggad nindo na kun gadanon nindo ako, kamo asin an mga nag-eerok sa syudad na ini magkakasala nin paggadan sa sarong tawo na mayo nin sala, huli ta an Kagurangnan an nagsugo sako tanganing itao saindo an patanid na ini.”

Amos 1:11

Nagtataram an Kagurangnan, “Paulit-ulit na nagkasala an mga taga Edom, asin huli kaiyan, papadusahan ko sinda. Linamag ninda an saindang mga tugang, an mga Israelita, asin dai ninda naherakan. Daing kasagkoran an saindang kaanggotan, asin pinadanay ninda iyan.

Amos 1:3

Nagtataram an Kagurangnan, “Paulit-ulit na nagkasala an mga taga Damasco, asin huli kaiyan, papadusahan ko sinda. An mga taga Gilead pinasakitan ninda nin makuri.

Amos 1:6

Nagtataram an Kagurangnan, “Paulit-ulit na nagkasala an mga taga Gaza, asin huli kaiyan, papadusahan ko sinda. Dinara ninda an sarong bilog na nasyon dangan ipinabakal bilang mga oripon sa mga taga Edom.

Amos 1:9

Nagtataram an Kagurangnan, “Paulit-ulit na nagkasala an mga taga Tiro, asin huli kaiyan, papadusahan ko sinda. Dinara nindang bihag an sarong bilog na nasyon sa daga nin Edom. Dai ninda inotob an tipan nin pakikipagkatood na saindang ginibo.

Amos 2:1

Nagtataram an Kagurangnan, “Paulit-ulit na nagkasala an mga taga Moab, asin huli kaiyan, papadusahan ko sinda. Dai ninda ginalangan an mga tolang kan hade nin Edom kan tutongon ninda iyan.

Amos 2:4

Nagtataram an Kagurangnan, “Paulit-ulit na nagkasala an mga taga Juda, asin huli kaiyan, papadusahan ko sinda. Tinalikodan ninda an sakong mga katukdoan asin dai inotob an sakong mga pagboot. Linagalag sinda kan parehong mga dios-dios na pinaglingkodan kan saindang mga ginikanan.

Amos 2:6

Nagtataram an Kagurangnan, “Paulit-ulit na nagkasala an mga Israelita, asin huli kaiyan, papadusahan ko sinda. Ipinapabakal ninda sa kaoripnan an mga tawong matanos na dai nakakabayad kan saindang utang, mga dukhang dai nakakabayad maski kan halaga nin sarong pades nin sandalyas.

Zacarias 8:17

Dai kamo mag-isip nin mga ikakaraot kan saindong kapwa. Dai kamo magsaksi nin putik. Ikinakaongis ko an pagputik, an inhustisya, asin an kadahasan.”

Deuteronomio 23:18

An kwartang kabayadan kan siring na karigsokan dai dapat pagdarahon sa templo nin Dios bilang pag-otob nin sarong panuga; ikinakaongis nin Kagurangnan an siring na mga tawo.

Deuteronomio 24:4

ibibilang nang maati an babae; dai na siya pwedeng agomon giraray kan enot niyang agom. Ikakaongis nin Kagurangnan kun agomon niya giraray an babae. Dai nindo paggibohon an siring na karatan sa daga na itatao saindo nin Kagurangnan na saindong Dios.

Deuteronomio 25:16

Ikinakaongis nin Kagurangnan an mga tawong madaya.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.