Mga Talinhaga 5:6 - Marahay na Bareta Biblia

⁶ Dai niya sinisiyasat an dalan pasiring sa buhay; nalalagalag siya, alagad dai niya iyan naaaraman.

Mga Talinhaga 5:6 ပူးပေါင်းရင်းမြစ်များ

Salmo 119:59

Kun iniisip ko an sakong mga gawe, nanunuga akong susunodon an saimong mga katukdoan.

Salmo 16:11

Ipinapahiling mo sako an dalan nin buhay; sa saimong atubang yaon an kapanoan nin kaogmahan, sa too mong kamot yaon an kaogmahan sagkod lamang.

Mga Talinhaga 11:19

An tawong nagdadanay sa katanosan mabubuhay, alagad an naglalamag sa karatan magagadan.

Mga Talinhaga 2:19

An minaduman saiya dai na nakakapuli; dai na nakakabalik sa dalan nin buhay.

Mga Talinhaga 30:20

Siring kaini an ginigibo kan babaeng nagpapasambay: nakikidorog siya sa lalaki, minakarigos, dangan minasabi, “Mayo ako nin ginibong maraot!”

Mga Talinhaga 4:26

Isipa nin marahay an anoman na gigibohon mo, asin magigin magayon an bunga kaiyan.

Mga Talinhaga 5:21

Nahihiling nin Dios an gabos mong gibo. Saen ka man magduman namamasdan ka niya.

Mga Talinhaga 9:13

An kalolongan nakakaarog sa sarong babae na maribok, mangmang saka mayo nin sopog.

2 Pedro 2:14

An saindang mga mata pano nin pagsambay; mga tawong daing sukol an pagkawili sa kasalan. Dinadagka nindang magkasala an mga maluyang tawo. An saindang mga puso tood na sa kapasloan. Minaldisyon na sinda nin Dios!