Mga Talinhaga 5:22 - Marahay na Bareta Biblia

²² Sarong siod an mga kasalan kan tampalasan, asin nadadakop siya sa hikot kan sadiri niyang kasalan.

Mga Talinhaga 5:22 ပူးပေါင်းရင်းမြစ်များ

1 Mga Hade 18:18

“Bako ako an nagpaparibok sa Israel,” an simbag ni Elias, “kundi ika asin an saimong ama. Huli ta linalapas mo an mga pagboot nin Kagurangnan asin sinasamba mo si Baal.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

An Libro ni Job 18:8

Huli ta dinadara siya sa hikot kan saiya man sanang bitis, asin naglalakaw siya pasiring sa kalot.

Salmo 40:12

Napapalibotan ako nin dai mabilang na karatan. Inabot na ako kan sakong mga kasalan, asin dai na ako nakakamaan. Mas dakul sinda ki sa buhok kan sakong payo, kaya pinanluluya an sakong puso.

Salmo 9:15

An mga pagano nahulog sa kalot na saindang ginibo; an saindang bitis nasiod sa hikot na saindang tinago.

Salmo 9:17

An kagadanan iyo an padudumanan kan gabos na maraot, kan gabos na nakakalingaw sa Dios.

Mga Talinhaga 1:18

Alagad an mga tawong ini minabugtak nin litag para sa sadiri man sana ninda, litag na magagadanan ninda.

Mga Talinhaga 11:3

An pagigin onesto an giya kan matanos, alagad an madaya mararaot kan sadiri nindang kabikoan.

Mga Talinhaga 11:5

An pagkamatanos kan sarong marahay na tawo iyo an minapagian kan saiyang buhay, alagad an karatan kan maraot iyo an minapahamak saiya.

Mga Talinhaga 11:6

An pagkamatanos iyo an minaligtas sa onestong tawo, alagad an dai masasarigan na tawo nasisiod sa sadiri niyang kapasloan.

Mga Talinhaga 12:14

Babalosan ka sosog sa saimong mga tataramon saka mga gibo; makakamtan mo an maninigo sa saimo.

Mga Talinhaga 14:32

An tampalasan ibinabagsak kan sadiring karatan, alagad an matanos iniingatan kan sadiring karahayan.

Mga Talinhaga 18:7

An ngimot kan lolong iyo an magdadara saiya sa kapahamakan, siring na an saiyang mga ngabil iyo an mabugtak saiya sa pag-alaman.

Mga Talinhaga 24:12

Pwede kang magsabi, “Dai ako dapat makiaram,” alagad nakakaaram an Dios asin naghuhukom kan nasa saimong puso. Aram iyan kan Dios na nagmamasid saimo. Babalosan ka niya sosog sa saimong ginigibo.

Mga Talinhaga 26:27

An nagbubugtak nin siod para sa iba iyo man sana an madadakop kaiyan. An nagpapaligid nin gapo iyo man sana an matatamaan kaiyan.

Parahulit 7:26

Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Mga Panambitan 1:14

“Itinala niya an sakong mga kasalan dangan iginakod sa sarong sakal, na ibinugtak sa sakuyang abaga, na nagin dahelan kan sakong panluluya. Itinao ako nin Kagurangnan sa kamot kan mga kaiwal, na dai ko kayang labanan.

Obadias 1:15

“Harani na an aldaw na ako, an Kagurangnan, mahukom sa mga nasyon. Edom, an ginibo mo iyo man an gigibohon saimo. Ibabalik saimo an itinao mo.

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Hukom 20:41

Dangan nagbalik an mga Israelita asin nataranta an mga Benjaminita huli ta naaraman ninda na madali na sindang magkagaradan.

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.