Mga Talinhaga 5:2 - Marahay na Bareta Biblia

² tanganing maaraman mo an tamang gawe, asin mahayag na ika igwa nin pakaaram sa saimong mga tataramon.

Mga Talinhaga 5:2 ပူးပေါင်းရင်းမြစ်များ

Salmo 119:13

Sa makosog na tingog sakong ipapahayag an gabos mong togon.

Salmo 45:2

Ika an pinakagwapo sa mga kalalakihan; ika sarong marahay na parataram; kaya benebendisyonan ka nin Dios sagkod lamang.

Salmo 71:15

Ipapahayag kan sakong ngoso an saimong karahayan; an saimong kaligtasan sa bilog na aldaw, maski ngani iyan dipisil kong masabotan.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Mga Talinhaga 15:2

An dila kan madonong nagwawaras nin pakaaram, alagad an ngoso kan mga mangmang nagbubuga nin kamangmangan.

Mga Talinhaga 15:7

An pakaaram pinapalakop kan mga tawong madonong, bako kan mga lolong.

Mga Talinhaga 16:23

An madonong minaisip ngona bago magtaram, kaya orog na nakakadagka an saiyang mga tataramon.

Mga Talinhaga 20:15

Kadakul kan bulawan asin kan mamahalon na mga bato, alagad an tataramon na may kadonongan sarong pambihirang kayamanan.

Mga Talinhaga 3:21

Aki ko, mamugol ka sa saimong kadonongan asin pakaaram. Dai mo pagpabayaan na mawara sinda saimo.

Awit nin mga Awit 4:11

Yaon sa saimong mga ngabil an namit kan dugos, sakong namomotan; para sakuya, gatas asin dugos an saimong dila. Yaon sa saimong gubing an gabos na hamot nin Lebanon.