Mga Talinhaga 4:5 - Marahay na Bareta Biblia

⁵ Dai mo paglingawan o pagtalikodan an sakong mga tataramon. Hanapon mo an kadonongan asin an pakaaram.

Mga Talinhaga 4:5 ပူးပေါင်းရင်းမြစ်များ

2 Mga Cronica 34:2

Ginibo niya an matanos sa atubangan nin Kagurangnan asin sinunod niya an paarog kan saiyang ginikanan na si David; maimbod na kinuyog niya an mga togon nin Dios.

An Libro ni Job 23:11

Maimbod kong sinunod an saiyang mga dalan; dai ako naglagalag sa ibang agihan.

Salmo 119:157

Kadakul an naglalamag sako asin an sakong kaiwal, alagad dai ako minasuhay sa saimong katogonan.

Salmo 119:51

Danay akong pinag-oolog-olog kan mga mapaabaw-abaw, alagad dai ako minatalikod sa saimong katogonan.

Salmo 44:18

Dai man nagtalikod saimo an samong puso; dai man kami naglihis sa saimong dalan.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Mga Talinhaga 17:16

Mayong karahayan na makukua an lolong maski maggasto man siya sa pag-aadal, huli ta mayo siya nin isip.

Mga Talinhaga 18:1

An tawong mayo nin iniisip kundi an saiyang sadiri, dai tataong makiiba sa kapwa; asin sasalungaton niya an lambang marahay na kaisipan nin iba.

Mga Talinhaga 19:8

An naghihingowang magin madonong, namomoot sa saiyang sadiri; an nagpapahalaga sa saiyang nanodan, magigin mauswag.

Mga Talinhaga 23:23

Bakong sayang maski bakalon mo an katotoohan, kadonongan, katukdoan saka pakasabot, alagad mahalaga ini nin marahay kaya dai dapat ipabakal.

Mga Talinhaga 3:1

Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Mga Talinhaga 4:7

An pakakua nin kadonongan iyo an pinakamahalaga. Maski ano pa an makua mo, pakaaram an saimong kuahon.

Mga Talinhaga 8:5

Kamong mga mangmang, saboton nindo an marahay na hatol; kamong mga lolong, adalan nindo an marahay na kaisipan.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.