Mga Talinhaga 4:26 - Marahay na Bareta Biblia

²⁶ Isipa nin marahay an anoman na gigibohon mo, asin magigin magayon an bunga kaiyan.

Mga Talinhaga 4:26 ပူးပေါင်းရင်းမြစ်များ

Salmo 119:5

Linalaom ko na magigin maimbod ako sa pag-otob kan saimong mga katukdoan!

Salmo 119:59

Kun iniisip ko an sakong mga gawe, nanunuga akong susunodon an saimong mga katukdoan.

Salmo 37:23

An tawo pinapangenotan nin Kagurangnan sa saiyang paglakaw; asin inaataman niya an saiyang nawiwilihan.

Salmo 40:2

Hinawas niya ako sa makatakot na kutkot; hale sa hararom na laboy. Mga bitis ko pinamugtak niya sa gapo; mga lakad ko saiyang pinakosog.

Mga Talinhaga 15:21

An mangmang naoogma sa saiyang kalolongan, alagad ginigibo kan madonong an matanos.

Mga Talinhaga 21:29

Midbid kan matanos an saiyang sadiri, alagad an tampalasan kaipuhan pang magsagin-sagin.

Mga Talinhaga 23:19

Paghinanyog, aki ko. Magin madonong ka asin isipon mo nin marahay an saimong pamumuhay.

Mga Talinhaga 4:25

Ituruhok mo an saimong mga mata sa enotan; tanawa an saimong padudumanan.

Mga Talinhaga 5:21

Nahihiling nin Dios an gabos mong gibo. Saen ka man magduman namamasdan ka niya.

Mga Talinhaga 5:6

Dai niya sinisiyasat an dalan pasiring sa buhay; nalalagalag siya, alagad dai niya iyan naaaraman.

Ezekiel 18:28

Pinaghorophorop niya an saiyang gibo dangan nagtalikod siya sa gabos na kasalan na naginibo niya, kaya dai siya magagadan kundi mabubuhay.

Hageo 1:5

Dai nindo nahihiling kun ano an nangyayari saindo?

Hageo 1:7

Dai nanggad nindo nahihiling kun tano ta nangyari ini?

Efeso 5:15

Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

Efeso 5:17

Dai kamo magin lolong, kundi hingowahon nindong masabotan kun ano an kabotan nin Kagurangnan saindo.

1 Tesalonica 3:13

Sa paaging ini papasarigon niya an saindong mga puso na mayo nin kaninan sa kalinigan sa atubang kan satong Dios asin Ama, pagbalik kan satong Kagurangnan na si Jesus kaiba an gabos niyang banal.

2 Tesalonica 3:3

Alagad maimbod an Kagurangnan. Papakosogon niya kamo saka ililikay sa Maraot.

Hebreyo 12:13

Maglakaw kamo sa tanos na dalan, tanganing dai mag-orog an pagkapilay, kundi maomayan.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.