Mga Talinhaga 4:23 - Marahay na Bareta Biblia

²³ Ingatan mo an saimong kaisipan, huli ta minabulos hale diyan an mga burabod nin buhay.

Mga Talinhaga 4:23 ပူးပေါင်းရင်းမြစ်များ

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

Mga Talinhaga 11:16

Iginagalang an sarong babaeng mabini, alagad an sarong babae na mayong marahay na gawe ikinakasopog. An sarong hugakon na tawo dai nanggad magkakaigwa nin kwarta, alagad an pusoan na tawo magyayaman.

Mga Talinhaga 13:3

An maingat magtaram nag-iingat man kan saiyang buhay, alagad an bakong maingat nagraraot kan sadiri niyang buhay.

Mga Talinhaga 16:17

An dalan kan matanos paharayo sa karatan; an nag-iingat sa paglakaw, nag-iingat man kan saiyang buhay.

Mga Talinhaga 22:5

Mga tonok saka mga siod an nasa dalan kan tampalasan; an namomoot sa sadiri minalikay sa mga iyan.

Mga Talinhaga 23:19

Paghinanyog, aki ko. Magin madonong ka asin isipon mo nin marahay an saimong pamumuhay.

Mga Talinhaga 28:26

An nananarig sa sadiring kaisipan sarong lolong; alagad makakaligtas an naglalakaw sa dalan nin kadonongan.

Mga Talinhaga 3:21

Aki ko, mamugol ka sa saimong kadonongan asin pakaaram. Dai mo pagpabayaan na mawara sinda saimo.

Mga Talinhaga 4:7

An pakakua nin kadonongan iyo an pinakamahalaga. Maski ano pa an makua mo, pakaaram an saimong kuahon.

Parahulit 5:13

Igwa akong nahiling na maraot na bagay sa kinaban: minatipon nin kwarta an tawo sa ikakaraot niya.

Jeremias 17:9

“Siisay an makakasabot kan puso nin tawo? Mayo nin ibang arog kaiyan kadaya; grabe na an helang kaiyan asin dai na maoomayan.

Mateo 15:18

Alagad an mga bagay na minaluwas sa ngoso, minahale sa puso; iyan an nakakapaati sa sarong tawo.

Mateo 15:19

Huli ta sa puso minagikan an mga maraot na kaisipan, an panggadan, panambay, an paggibo nin mga bagay na imoral, panghabon, pagputik asin pagpakaraot sa iba.

Markos 14:38

Magpuka kamo asin mamibi, tanganing dai kamo madaog nin sogot. Andam kutana an espiritu, alagad an hawak maluya.”

Lukas 6:45

An marahay na tawo, marahay man an gibo huli ta pano nin nasasaray na karahayan an saiyang puso; an maraot na tawo, maraot man an gibo huli ta pano nin nasasaray na karatan an saiyang puso. Huli ta sa kapanoan nin puso, nagtataram an ngoso.

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.