Mga Talinhaga 4:18 - Marahay na Bareta Biblia

¹⁸ Alagad an dalan kan matanos arog kan liwanag nin kaagahon, na minaorog mantang nag-iitaas an aldaw.

Mga Talinhaga 4:18 ပူးပေါင်းရင်းမြစ်များ

2 Samuel 23:4

nagbabanaag siring sa liwanag nin kaagahon, siring sa aldaw na nagliliwanag sa sarong mayong dampog na kaagahon, siring sa uran na nakakapatalubo kan doot sa daga.”

An Libro ni Job 11:17

An saimong buhay orog pang magigin maliwanag ki sa kaodtohan; an kadikloman kaiyan magigin arog sa kaagahon.

An Libro ni Job 17:9

An mga nagsasabing sinda iginagalang, orog na minatubod na sinda matanos.

An Libro ni Job 23:10

Alagad aram niya an dalan na sakong linalakawan; kun baloon niya ako, makukua niya akong dalisay.

Salmo 84:7

Mantang naglalakaw, orog na minakosog sinda; mahihiling ninda an Dios nin mga dios sa Sion.

Salmo 97:11

Ilaw minaliwanag sa mga matanos asin kaogmahan sa mga malinig an puso.

Mga Talinhaga 13:9

An matanos na tawo garo sarong maliwanag na ilaw, alagad an maraot nakakaarog sa napapalsok na ilawan.

Mga Talinhaga 15:24

An dalan kan madonong patukad sa buhay, tanganing malikayan niya an kagadanan na nasa ibaba.

Mga Talinhaga 2:20

Kaya maglakaw ka sa dalan kan mga marahay na tawo, asin magdanay ka sa mga agihan kan mga matanos.

Mga Talinhaga 2:9

Kun maghinanyog ka sako, maaaraman mo kun ano an tama, matanos, saka dai nagpapalaen sa kapwa. Maaaraman mo kun ano an saimong gigibohon.

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Daniel 12:3

An mga madonong na lider magliliwanag siring sa panganoron, asin an mga nagtukdo sa mga tawo na maggibo kan tama magliliwanag sagkod lamang siring sa mga bitoon.”

Oseas 6:3

Hingowahon tang mamidbidan an Kagurangnan. Madolok nanggad siya sato siring na an bagong aldaw minasirang, siring na an uran minabaribi kan daga.”

Mateo 5:14

“Kamo an ilaw kan kinaban. Dai nanggad matatago an sarong syudad na nasa ibabaw nin bulod.

Mateo 5:16

Dapat arog kamo kaiyan. Paliwanagon nindo an saindong ilaw sa gabos na tawo, tanganing mahiling ninda an mga marahay nindong gibo; huli kaiyan oomawon ninda an saindong Ama na nasa langit.

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Juan 8:12

Nagtaram giraray si Jesus sa mga tawo, “Ako an ilaw kan kinaban. An minasunod sako magkakaigwa kan ilaw nin buhay asin dai na siya maglalakaw sa kadikloman.”

2 Corinto 3:18

Kaya sa sato gabos na mayong tahob an lalawogon masasalming an kamurawayan nin Kagurangnan; an mismong kamurawayan na iyan na gikan sa Kagurangnan na iyo an Espiritu Santo, iyo an minaliwat sato na magin kabaing niya sa orog kadakula pang kamurawayan.

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

2 Pedro 1:19

Kaya nag-orog an samong pagsarig sa mga ipinahayag kan mga propeta. Marahay para saindo na pahalagahan an pahayag na iyan—iyan garo sarong ilawan na nagliliwanag sa madiklom na lugar, sagkod na magbanaag an Aldaw asin magliwanag an bitoon na makaaga sa saindong mga puso.

2 Pedro 3:18

Magpadagos kamong magtalubo sa biyaya saka pakaaram dapit sa satong Kagurangnan asin Paraligtas na si Jesu-Cristo. Mapasaiya an kamurawayan ngunyan asin sagkod pa man! Amen.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.