Mga Talinhaga 4:12 - Marahay na Bareta Biblia

¹² Kun ika maglakaw, dai oolangon an saimong lakad; kun ika magdalagan, dai ka matutumba.

Mga Talinhaga 4:12 ပူးပေါင်းရင်းမြစ်များ

2 Samuel 22:37

Tinawan mo ako nin mahiwas na lugar na lalakawan, asin an sakong mga bitis dai nadalinas.

Salmo 119:165

Dakulang katoninongan an nakakamtan kan mga namomoot sa saimong katogonan; mayo nin makakapasingkog sa sainda.

Salmo 119:45

Maglalakaw ako sa katalingkasan, huli ta hinanap ko an saimong mga katukdoan.

Salmo 18:36

Tinawan mo ako nin mahiwas na lugar na lalakawan, asin an sakong mga bitis dai nadalinas.

Mga Talinhaga 2:9

Kun maghinanyog ka sako, maaaraman mo kun ano an tama, matanos, saka dai nagpapalaen sa kapwa. Maaaraman mo kun ano an saimong gigibohon.

Mga Talinhaga 3:23

Dangan maglalakaw ka nin matiwasay asin dai ka nanggad masisingkog.

Mga Talinhaga 4:19

An dalan kan mga tampalasan madiklom siring sa banggi. Natutumba sinda alagad dai ninda nahihiling kun ano an saindang nasingkogan.

Mga Talinhaga 6:22

An saindang katukdoan iyo an mangengenot saimo kun ika maglakaw, an magbabantay saimo kun banggi, asin an maghuhulit saimo kun aldaw.

Jeremias 31:9

Nagtatangis na mabalik an sakong banwaan; namimibi mantang sakong pinapangenotan. Dadarahon ko sinda sa mga sapang may tubig, sa sarong patag na agihan tanganing dai sinda madapa. Huli ta saro akong ama para ki Israel asin si Efraim an aki kong matua.”

1 Pedro 2:8

Nasasabi pa sa kasuratan, “Iyo ini an gapong masisingkogan nin mga tawo, an gapong makakapatumba sainda.” Nasingkog sinda huli ta dai sinda nagtubod sa tataramon nin Dios; iyo ini an itinalaga para sainda.