Mga Talinhaga 31:9 - Marahay na Bareta Biblia

⁹ Magpahayag ka para sainda asin magin saro kang matanos na hukom. Ipakilaban mo an deretso kan dukha asin kan mayong sukat.”

Mga Talinhaga 31:9 ပူးပေါင်းရင်းမြစ်များ

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

An Libro ni Job 29:12

Minatabang ako sa mga dukha, kun sinda minaagrangay; minatabang ako sa mga ilo na mayo nin makikilingan.

Salmo 82:3

Tawan nindo nin katanosan an mga dukha asin an mga ilo; galangan nindo an deretso kan mga nagtitios asin kan mga nangangaipo.

Mga Talinhaga 16:12

Ikinakaongis kan mga hade an paggibo nin karatan, huli ta hustisya an nagpapakosog nin sarong gobyerno.

Mga Talinhaga 20:8

Kun an hade magtukaw sa paghukom, mayo nin karatan na makakalampas sa saiyang panhiling.

Mga Talinhaga 29:7

Minimidbid kan matanos an deretso kan dukha, alagad dai iyan nasasabotan kan mga maraot.

Isaias 1:17

mag-adal ka sa paggibo nin karahayan papaghadea an katanosan, ontoka an pang-aapi; suroga an mga ilo, asin an mga babaeng balo.

Isaias 1:23

An saimong mga lider mga rebelde asin kairiba nin mga parahabon. An gabos namomoot sa suhol asin nagmamawot nin mga regalo. Dai ninda sinusurog an mga ilo asin dai ninda dinadangog an kaso kan mga babaeng balo.

Isaias 11:4

kundi sa katanosan huhukoman niya an dukha, asin hahatolan niya an mga mahuyo kan kinaban na mayo nin pinapalaen. Sa saiyang pagboot an mga tawo papadusahan, asin an mga maraot magagadan.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 23:5

Nagsasabi an Kagurangnan, “Maabot an panahon na pipilion ko an sarong matanos na kapagarakian ni David tanganing magin hade. May kadonongan niyang paghahadean an bilog na daga dangan gigibohon niya an tama asin matanos.

Jeremias 5:28

nagin mataba saka mabaskog. Mayo nin kataposan an gibo nindang katampalasanan. Dai ninda ginagalangan an deretso kan mga ilo, ni pinapahilingan nin hustisya an mga naaapi.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Zacarias 7:9

“Haloy nang panahon, itinao ko an mga pagboot na ini sa sakong banwaan: ‘Papangyarihon nindo an hustisya, asin magin maboot saka maheherakon kamo sa lambang saro.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Juan 7:24

Dai kamo maghukom huli kan nahihiling nindo sa luwas; maghukom kamo nin matanos.”

Deuteronomio 1:16

“Sinabihan ko sinda kaidto, ‘Dangogon nindo an mga kasong idinodolok saindo kan mga tawo, asin hukoman nindo nin matanos an kaso kan kapwa nindo Israelita o kan mga dayuhan na nakikihimanwa saindo.

Hebreyo 1:9

Namomoot ka sa katanosan asin naoongis sa karatan; kaya linahidan ka nin Dios, na saimong Dios, kan lana nin kaogmahan orog ki sa ibang mga hade.”

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.

1 Samuel 19:4

Kaya inomaw ni Jonatan si David ki Saul asin nagsabi, “Dai ka man logod magkasala sa sorogoon mong si David. Mayo siyang naginibong maraot saimo; an totoo, an gabos na ginibo niya anas nakatabang saimo.

1 Samuel 20:32

“Tano ta kaipuhan siyang magadan?” an simbag ni Jonatan. “Ano an ginibo niya?”