Mga Talinhaga 31:5 - Marahay na Bareta Biblia

⁵ Kun sinda nabuburat, nalilingawan ninda an katogonan asin napapabayaan an deretso kan mga mayong sukat.

Mga Talinhaga 31:5 ပူးပေါင်းရင်းမြစ်များ

1 Mga Hade 20:12

Nakaabot ki Ben-hadad an simbag ni Ahab mantang siya asin an kaibahan niyang mga hade nagbuburat sa saindang mga tolda. Pinagbotan niya an saiyang mga tawohan na mag-andam sa pagsalakay kan syudad; kaya nag-andam an gabos.

Exodo 23:6

“Itao mo an hustisya sa tawong dukha kun siya mag-atubang sa husgado.

Mga Talinhaga 17:15

An minaoyon sa tampalasan asin an minapadusa sa matanos parehong ikinakaongis nin Kagurangnan.

Mga Talinhaga 18:5

An pagkampi sa tampalasan bakong marahay, siring man an dai pagtao nin hustisya sa tawong matanos.

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Isaias 5:23

Alagad pinapatalingkas ninda an mga may kasalan huli sa suhol, asin inoolang ninda an mga mayong sala sa pagkamit nin katanosan!

Levitico 10:9

“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.

Habakkuk 2:5

Madaya an kayamanan. Mapalangkaw an mga tawong paslo saka dai napapamugtak—siring sa kagadanan na dai nababasog. Iyan an dahelan kun tano ta sinasakop ninda an mga nasyon.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.