Mga Talinhaga 30:4 - Marahay na Bareta Biblia

⁴ Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Mga Talinhaga 30:4 ပူးပေါင်းရင်းမြစ်များ

Genesis 32:29

Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

An Libro ni Job 11:7

“Maaaraman mo daw an mga kasagkoran saka mga kairaroman kan kadakulaan asin kapangyarihan nin Dios?

An Libro ni Job 11:8

Halangkaw pa iyan ki sa langit—ano an saimong magigibo? Hararom pa iyan ki sa kinaban kan mga gadan—ano an pwede mong maaraman?

An Libro ni Job 26:8

Pinapano niya nin katubigan an mahibog na mga panganoron, asin dai ini nagigisi sa gabat kaiyan.

Salmo 135:7

Siya an nagpapaitaas kan mga panganoron hale sa mga poro kan daga; an naggigibo nin kikilat para sa uran, asin an nagpapaluwas kan mga doros hale sa saiyang mga sarayan.

Salmo 2:7

Ihahayag ko an dekreto nin Kagurangnan: Nagtaram siya sako, “Ika an sakuyang aki, ngunyan na aldaw nagin ama mo ako.

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 24:2

huli ta pinatindog niya ini sa ibabaw nin kadagatan, asin pinamugtak sa ibabaw nin katubigan.

Salmo 68:18

Tinutukad niya an halangkaw na bukid, dara an dakul na bihag; minaako siya nin mga regalo maski an mga gikan sa masombikal na tawo. Duman maerok an Kagurangnan Dios.

Exodo 15:10

Alagad sa saro mong hinangos, O Kagurangnan, an mga Egipcio nalamos, siring sa timga na nag-irarom tolos.

Exodo 6:3

Nagpahiling ako ki Abraham, ki Isaac, asin ki Jacob bilang Dios na makakamhan sa gabos, alagad dai ako nagpamidbid sa sainda sa banal kong ngaran na Kagurangnan.

Isaias 45:18

Linalang nin Kagurangnan an kalangitan— siya sana an Dios! Pinorma niya asin ginibo an kinaban— pinapusog niya iyan asin iyan magdadanay. Dai niya iyan ginibong sarong lugar na mamondo, kundi ginibo niyang sarong lugar na eerokan nin tawo. Siya iyo an nagsasabing, “Ako an Kagurangnan, asin pwera sako mayo na nin ibang dios.

Isaias 53:8

Dinakop siya asin sinentensyahan dangan dinara tanganing gadanon, asin mayong nagmakulog kun ano an mangyayari saiya. Ginadan siya para sa kasalan kan satong banwaan.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Lukas 10:22

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana asin an boot kan Aking makamidbid sa Ama.”

Juan 3:13

Mayo pa nin nakasakat sa langit kundi an Aki nin Tawo na naghilig hale sa langit.”

Roma 10:6

Alagad ini an sinasabi sa kasuratan dapit sa kun paano nagigin matanos an tawo sa atubang nin Dios sa paagi nin pagtubod: “Dai ka magsaboot, ‘Siisay an masakat sa langit?’” (boot sabihon, tanganing pababaon si Cristo).

Deuteronomio 28:58

“Kun bako kamong maimbod sa pagkuyog kan mga togon na nasusurat sa librong ini, asin kun dai kamo matakot sa ngaran nin Kagurangnan na saindong Dios,

Deuteronomio 30:12

Bako man iyan nasa langit, kaya dai kamo pwedeng magsabi, ‘Siisay daw an masakat asin makua kaiyan para samo, tanganing samong madangog dangan magibo?’

Kapahayagan 19:12

An saiyang mga mata garo naglalaad na kalayo; dakul na korona an nasa payo niya. Nasusurat sa saiya an sarong ngaran na siya sana an nakakaaram.

Hukom 13:18

Naghapot an anghel, “Tano ta boot nindong maaraman? An ngaran ko sarong ngaran nin ngangalasan.”