Mga Talinhaga 30:14 - Marahay na Bareta Biblia

¹⁴ Igwa nin mga tawo na makuring nagbebentahe sa dukha asin sa daing sukat; sa paaging iyan sinda nabubuhay.

Mga Talinhaga 30:14 ပူးပေါင်းရင်းမြစ်များ

An Libro ni Job 29:17

Rinaot ko an kapangyarihan kan makuring mga tawo, asin ilinigtas ko an saindang mga biktima.

An Libro ni Job 41:14

Siisay an makakapabuka kan saiyang mga salang, na napapalibotan nin makangingirhat na mga ngipon?

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 124:6

Pasalamatan ta an Kagurangnan, na dai kita ipinagadan sa satong mga kaiwal.

Salmo 14:4

“Dai daw nin pakasabot an mga tampalasan?” an hapot nin Kagurangnan. “Nabubuhay sinda sa panghahabon sa sakong banwaan, asin dai sinda nag-aapod sako.”

Salmo 3:7

Bumangon ka, Kagurangnan! Ligtasan ako, O sakuyang Dios! Sinasampaling mo an mga kaiwal, rinoronot mo an mga ngipon kan mga maraot.

Salmo 52:2

Bilog na maghapon iniisip mo an pagpakaraot nin iba, an dila mo siring sa matarom na labaha, ika na parapasaluib.

Salmo 57:4

Napapalibotan ako nin mga kaiwal, na garo mga leon na minakakan nin mga tawo; an saindang mga ngipon siring sa mga garod saka pana, an saindang mga dila mga matarom na espada.

Salmo 57:5

O Dios, ipahiling mo sa kalangitan an saimong kadakulaan, asin sa bilog na daga an saimong kamurawayan.

Salmo 58:6

O Dios, ronota an mga ngipon kaining mariringis na leon; Kagurangnan, gabota an saindang mga tingo.

Mga Talinhaga 12:18

An makulog na mga tataramon arog sa espada, nakakalugad nin hararom, alagad an mga tataramon kan madonong nakakabolong.

Mga Talinhaga 22:16

An nagreregalo sa mayaman, o an nag-aapi sa dukha tanganing magyaman magigin dukha man.

Mga Talinhaga 28:3

An nag-aapi sa dukha garo makosog na doros na nagraraot sa mga tinanom.

Mga Talinhaga 30:15

An linta igwa nin duwang aking babae, asin pareho sinda may ngaran na “Tawan mo ako!” Igwa nin apat na bagay na dai nakokontento:

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Isaias 10:2

Siring kaiyan an pag-olang nindo sa mga dukha tanganing dai ninda makamtan an katanosan asin an hustisya. Iyan an paagi nindo sa pagkua kan mga rogaring kan mga balong babae saka mga ilo.

Isaias 3:14

Huhukoman nin Kagurangnan an mga pamayo saka an mga kamagurangan kan saiyang banwaan. Ini an pahayag nin Kagurangnan: “Kamo an nagsamsam kan mga ubasan; nasa saindong mga harong an mga nasamsam nindo sa mga dukha.

Isaias 3:15

Mayo kamong deretso sa pagronot kan sakong banwaan, sa pag-api kan mga dukha. Ako, an Kagurangnan, an Dios nin mga hukbo, an nagtaram.”

Isaias 32:7

An sarong maraot na tawo naggigibo nin mga maraot na bagay; nagpaplano siyang raoton an mga dukha huli sa kaputikan, asin olangon sinda sa pagkamit kan saindang deretso.

Ezekiel 22:6

An gabos na lider nin Israel nagsasarig sa sadiri nindang kosog asin nanggagadan.

Ezekiel 34:3

Iniinom nindo an gatas, ginigibong gubing an balukag asin binubuno nindo an pinakamarahay na mga karnero, alagad dai nindo sinda inaataman.

Amos 2:7

Tinitimaktimakan ninda sa alpog an payo kan mga dukha asin itinutuklang ninda paluwas sa dalan an mga daing sukat. Dinodorogan nin mag-ama an babaeng oripon, kaya linalanghadan ninda an sakong ngaran.

Amos 4:1

Dangoga nindo ini, kamong mga babaeng taga Samaria, na nagtataraba arog kan mga baka sa Basan, na nag-aapi kan mga maluluya, nagpapasakit kan mga dukha, saka nagboboot sa mga agom tanganing danay kamong tawan nin arak!

Amos 8:4

Dangoga nindo ini, kamo na nagtitimaktimak sa mga daing sukat asin nagpapasakit sa mga dukha kan daga.

Habakkuk 3:14

Tinuhog kan saimong mga bosog an pamayo kan saiyang hukbo kan ini nag-abot siring sa sarong bagyo, sa pagwarak samo, nagngingisi ini arog kan mga tawong hilom na nang-aapi kan mga dukha.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Kapahayagan 9:8

Halaba an buhok ninda arog kan sa babae, saka an mga ngipon ninda garo sa leon.