Mga Talinhaga 30:10 - Marahay na Bareta Biblia

¹⁰ Dai mo pagpakaraoton an sarong sorogoon sa saiyang kagurangnan. Tibaad maldisyonon ka niya saka pabayadon huli kan ginibo mo.

Mga Talinhaga 30:10 ပူးပေါင်းရင်းမြစ်များ

Genesis 8:21

Nawilihan nin Kagurangnan an parong kan dolot asin nagsaboot siya, “Dai ko na nanggad susumpaon an kinaban huli sa gibo nin tawo; aram kong maraot an kaisipan kan tawo poon pagkaniaki niya. Dai ko na nanggad paparaon an gabos na nabubuhay arog kan ginibo ko.

Mga Talinhaga 11:26

Minamaldisyon kan banwaan an nagtatago kan trigo, alagad inoomaw ninda an nagpapabakal kaiyan.

Mga Talinhaga 28:27

An nagtatao sa mga dukha dai magkukulang, alagad an nagbibinuta sa saindang kamugtakan mamaldisyonon.

Parahulit 7:21

Hare pagdangog sa gabos na sinasabi kan mga tawo, ta tibaad madangog mong minamaldisyon ka kan saimong sorogoon;

Daniel 6:13

Dangan nagsabi sinda sa hade, “Si Daniel, an saro kan mga nabihag hale sa Juda, dai minagalang saimo, mahal na hade, asin dai nagkukuyog kan pagboot na saimong pinaluwas. Tolong beses siyang namimibi sa sarong aldaw.”

Daniel 6:24

Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Roma 14:4

Siisay ka na mahukom sa sorogoon kan iba? An Kagurangnan niya sana an makakasabi kun siya maninigo o bako. Ibibilang siyang maninigo huli ta magigibo iyan saiya kan Kagurangnan.

Deuteronomio 15:9

Dai nindo siya pagsayumahan sa dahelan na harani na an taon nin pagpatawad kan mga utang. Dai nindo pagtugotan na makalaog sa saindong isip an siring karaot na kaisipan. Kun dai nindo siya pautangon, mareklamo siya sa Kagurangnan laban sa saindo asin makokondenar kamo.

Deuteronomio 23:15

“Kun magdulag sa saiyang amo an sarong oripon, asin magdolok saindo sa paghagad nin tabang, dai nindo siya pagpabalikon sa saiyang amo.

1 Samuel 24:9

Nagsabi si David, “Tano ta dinadangog mo an mga tawong nagsasabing boot takang gadanon?

1 Samuel 26:19

Mahal na Hade, dangoga an sasabihon ko. Kun an Kagurangnan an nagpasabong saimo na labanan ako, pwedeng magbago an saiyang isip huli sa sarong dolot. Alagad kun mga tawo an kaggibo kaiyan, mapasainda logod an maldisyon nin Kagurangnan, huli ta pinahale ninda ako sa daga nin Kagurangnan asin pinaduman sa sarong daga saen mga dayuhan na dios an pwede ko sanang sambahon.

1 Samuel 30:15

Hinapot siya ni David, “Pwede mo daw akong giyahan pasiring sa mga parasalakay na idto?” Nagsimbag an hoben, “Pwede, kun manuga ka sako sa ngaran nin Dios na dai mo ako gagadanon o ibabalik sa sakong kagurangnan.”