Mga Talinhaga 3:6 - Marahay na Bareta Biblia

⁶ Giromdoma siya sa gabos mong gibo, asin an tamang dalan itutukdo niya saimo.

Mga Talinhaga 3:6 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Nehemias 1:11

Dangoga an sakong pamibi asin an pamibi kan saimong mga sorogoon na boot mag-omaw saimo. Tawe nin marahay na resulta an lakaw ko ngunyan asin giboha na maherak sako an emperador.” Kan mga aldaw na idto ako an namamahala kan arak kan Hade.

Nehemias 2:4

Hinapot ako kan hade, “Ano an boot mo?” Namibi ako sa Dios nin langit,

Nehemias 7:5

Ipinasabong sako nin Dios na tiponon an mga tawo, an mga lider, mga opisyal dangan sensohon sinda sosog sa saindang kamaganakan. Nakua ko an listahan kan mga kamaganakan na naenot na nagbalik hale sa pagkatapokan, asin ini an nakasurat duman:

Salmo 32:8

Nagtaram an Kagurangnan, “Itutukdo ko saimo an dalan na saimong lalakawan; babantayan taka asin huhulitan.

Mga Talinhaga 11:5

An pagkamatanos kan sarong marahay na tawo iyo an minapagian kan saiyang buhay, alagad an karatan kan maraot iyo an minapahamak saiya.

Mga Talinhaga 16:3

Idusay mo sa Kagurangnan an gabos mong gibo, asin maootob an saimong mga plano.

Mga Talinhaga 16:9

Minaplano an tawo, alagad an Kagurangnan iyo an minagiya kan saiyang mga lakad.

Mga Talinhaga 23:17

Dai ka maori sa mga parakasala, kundi matakot ka sa Kagurangnan sagkod na ika nabubuhay.

Isaias 26:7

Kagurangnan, pinatag mo an agihan kan mga matanos; pantay an dalan na saindang linalakawan.

Isaias 30:21

Kun kamo malagalag, sa too man o sa wala kan dalan, madadangog nindo an saiyang tingog sa likodan nindo na magsasabi saindong, “Uya an dalan. Sunoda ini.”

Isaias 45:13

Ako mismo an nag-apod ki Ciro tanganing otobon an sakuyang katuyohan asin pakarahayon an gabos na bagay. Tatanoson ko an lambang dalan na saiyang aagihan. Hihirahayon niya an sakong syudad, an Jerusalem, asin tatalingkasan niya an sakong banwaan bakong huli sa bayad o sa suhol.” An Kagurangnan nin mga hukbo an nagtaram.

Isaias 48:17

An banal na Dios nin Israel, an Kagurangnan na nagliligtas saimo, nagsasabi: “Ako an Kagurangnan na saimong Dios, an boot na magtukdo saimo para sa saimong karahayan asin an mangengenot saimo sa dalan na saimong lalakawan.

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

Jeremias 42:3

Mamibi ka na ipahiling samo nin Kagurangnan na satong Dios an dalan na dapat nyamong lakawan asin kun ano an dapat nyamong gibohon.”

Mga Bilang 9:20

Iyo man iyan an saindang ginigibo kun an panganoron nagkapirang aldaw sana sa ibabaw kan Tabernakulo; sa pagboot nin Kagurangnan dai sinda minahale sa kampo, asin sa pagboot nin Kagurangnan minapadagos sinda sa pagbaklay.

1 Corinto 10:31

Kaya, anoman an gibohon nindo, magkakan man o mag-inom kamo, giboha nindo iyan gabos sa pag-omaw sa Dios.

2 Corinto 8:16

Alagad salamat sa Dios huli ta ginibo niyang maigot si Tito sa pagtabang saindo arog samo!

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

Colosas 3:17

Kaya anoman an gibohon o sabihon nindo, gibohon nindo sa ngaran ni Jesus na Kagurangnan ta; sa paagi niya magpasalamat kamo sa Dios Ama.

Colosas 3:23

Anoman an saindong ginigibo, gibohon nindo nin tudok sa puso na garo man sana naglilingkod kamo sa Kagurangnan, bakong sa tawo.

Santiago 1:5

Kun igwa saindong nagkukulang nin kadonongan, mamibi siya sa Dios, huli ta tatawan siya kaiyan; an Dios maugayon saka dai nagsasayuma sa kiisay man.

1 Samuel 30:8

Hinapot ni David an Kagurangnan, “Marahay daw na lamagon ko an mga parasalakay na idto? Maabotan ko pa daw sinda?” Nagsimbag an Kagurangnan, “Lamagon mo sinda; aabotan mo sinda asin mababawe an mga bihag.”