Mga Talinhaga 3:34 - Marahay na Bareta Biblia

³⁴ An mga mapaabaw-abaw dai pinapahalagahan nin Kagurangnan, alagad an mga mapakumbaba saiyang naheherakan.

Mga Talinhaga 3:34 ပူးပေါင်းရင်းမြစ်များ

Salmo 138:6

Huli ta maski ika yaon sa kaitaasan, an mapakumbaba saimong inaataman, alagad an mapaabaw-abaw, maski sa harayo saimong namimidbidan.

Salmo 18:26

Mabini ka sa mga tawong mabini, alagad makuri ka sa mga tawong maraot.

Mga Talinhaga 1:26

ngingisihan ko kamo sa saindong kasakitan asin tutuyatuyaon ko kamo kun abotan kamo nin takot—

Mga Talinhaga 14:9

An lolong dai nahahadit kun siya nagkakasala, alagad boot kan marahay na tawo na siya mapatawad.

Mga Talinhaga 16:19

Orog karahay an magin mapakumbaba saka magdanay na dukha, ki sa magin saro kan mga mapaabaw-abaw saka makihiras kan saindang sinamsaman.

Mga Talinhaga 19:29

Inandam na an padusa para sa mga paraolog-olog, asin an pamakol para sa mga lolong.

Mga Talinhaga 21:24

Itukdo mo sako an mahambog na tawo asin itutukdo ko man saimo an tawong mapaabaw-abaw, mapalangkaw saka dai nag-iisip kan karahayan nin iba.

Mga Talinhaga 9:12

Kun igwa ka nin kadonongan, ika man sana an magkikinabang, alagad magtitios ka kun isikwal mo iyan.

Isaias 57:15

“Ako an halangkaw asin banal na Dios, na nabubuhay sagkod lamang. Nag-eerok ako sa sarong halangkaw saka banal na lugar, alagad nag-eerok man ako sa kaibahan kan mga tawong mapakumbaba saka nagsosolsol, tanganing ibalik sa sainda an saindang pagsarig asin paglaom.

Santiago 4:6

Alagad mas dakul na biyaya an itinatao nin Dios, kaya an kasuratan nagsasabi, “Habo an Dios sa mga mapaabaw-abaw, alagad benebendisyonan niya an mga mapakumbaba.”

1 Pedro 5:5

Siring man, kamong mga hoben dapat magpasakop sa mga gurang saindo. Kamo gabos magpatarabang-tabang na may kapakumbabaan, huli ta nasasabi sa kasuratan, “Habo an Dios sa mga mapaabaw-abaw, alagad benebendisyonan niya an mga mapakumbaba.”