Mga Talinhaga 3:24 - Marahay na Bareta Biblia

²⁴ Kun ika maghigda, dai ka matatakot; matoninong kang matotorog kun banggi.

Mga Talinhaga 3:24 ပူးပေါင်းရင်းမြစ်များ

2 Mga Cronica 20:30

Kaya nagin matoninong an paghahade ni Jehosafat huli ta ilinikay siya nin Dios sa anoman na pag-alaman sa palibot niya.

An Libro ni Job 11:19

Dai ka matatakot sa saimong mga kaiwal; dakul na tawo an mahagad saimo nin tabang.

Salmo 112:8

Dai siya nahahandal o natatakot; aram niyang madadaog an saiyang mga kaiwal.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 3:5

Minahigda ako asin minatorog; giraray minabangon huli sa pangataman nin Kagurangnan.

Salmo 3:6

Dai ako matatakot sa rinibong mga kaiwal, na nakapalibot tumang sako.

Salmo 4:8

Sa katoninongan ako mahigda dangan matorog; huli ta ika sana, O Kagurangnan, an minapaerok sako sa katiwasayan.

Salmo 91:5

Dai ka dapat matakot sa diklom nin banggi, ni sa bosog na minalayog sa aldaw;

Mga Talinhaga 1:33

Alagad an naghihinanyog sako mag-eerok sa katiwasayan asin mabubuhay sa katoninongan, na mayo nin natatakotan.”

Mga Talinhaga 19:23

Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 6:22

An saindang katukdoan iyo an mangengenot saimo kun ika maglakaw, an magbabantay saimo kun banggi, asin an maghuhulit saimo kun aldaw.

Parahulit 5:12

An sarong trabahador marahay an torog, dikit man o dakul an saiyang kakanon; alagad an dakul na pagsadiri kan mayaman iyo an minapurisaw sa saiyang pagkatorog.

Isaias 54:14

Papakosogon ka kan hustisya asin katanosan. Magigin ligtas ka sa nang-aapi asin sa takot.

Jeremias 31:26

Kaya masabi an siisay man, ‘Nagkatorog ako dangan maginhawang nagbangon.’

Ezekiel 34:15

Ako mismo an magigin pastor kan sakong mga karnero, asin ihahanap ko sinda nin lugar na pahingaloan. Ako, an Kagurangnan Dios, an nagtaram.

Ezekiel 34:25

Makikipagtipan ako sainda nin sarong tipan nin katoninongan asin hahaleon ko an mga lalaw na hayop sa daga, tanganing an sakong mga karnero matiwasay na mag-erok sa kaomahan asin magkatorog sa mga kadlagan.

Ezekiel 34:27

An mga kahoy mamumunga, an kaomahan matao nin ani, asin an lambang saro matiwasay na mag-eerok sa sadiri niyang daga. Kun putolon ko na an mga kadena nin sakong banwaan asin patalingkason ko na sinda sa mga nag-oripon sainda, dangan maaaraman ninda na ako an Kagurangnan.

Levitico 26:6

“Tatawan ko nin katoninongan an daga asin magkakatorog kamo na dai matatakot sa kiisay man. Hahaleon ko an mga maringis na hayop sa daga asin dai na diyan magkakaigwa nin ralaban.

Mga Gibo 12:6

Kan banggi bago iatubang si Pedro ni Herodes sa mga tawo, torog siya sa tahaw nin duwang bantay. Nagagapos siya nin duwang kadena saka nababantayan pa an pintoan kan bilanggoan.