Mga Talinhaga 3:1 - Marahay na Bareta Biblia

¹ Aki ko, hare paglingawe an katukdoan ko, kundi tagoon mo iyan sa puso mo an mga pagboot ko.

Mga Talinhaga 3:1 ပူးပေါင်းရင်းမြစ်များ

Salmo 119:11

Rinirimpos ko sa sakong puso an saimong tataramon, tanganing dai ako magkasala tumang saimo.

Salmo 119:153

Hilinga an sakong pagtios, asin ligtasan ako, huli ta dai ko nalilingawan an saimong katogonan.

Salmo 119:16

Ikinakaogma ko an saimong mga katogonan; dai ko lilingawan an saimong mga kabotan.

Salmo 119:176

Nalagalag ako siring sa sarong nawawarang karnero; hanapa an saimong sorogoon, huli ta dai ko nalilingawan an saimong katogonan.

Salmo 119:34

Tawe ako nin pakasabot, tanganing maotob ko an saimong katogonan asin maotob ko iyan sa bilog kong puso.

Salmo 119:61

Maski nasisiod na ako kan mga pisi kan mga tampalasan, dai ko nalilingawan an saimong katogonan.

Salmo 119:93

Dai ko nanggad lilingawan an saimong mga katukdoan, huli ta sa paagi kaiyan tinawan mo ako nin buhay.

Salmo 91:16

Babalosan ko siya nin halawig na buhay, asin ipapahiling ko saiya an sakong kaligtasan.”

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Mga Talinhaga 1:8

Aki ko, hinanyoga an hulit kan saimong ama, asin dai mo ipagsikwal an katukdoan kan saimong ina;

Mga Talinhaga 16:31

An halawig na buhay iyo an balos sa matanos; an mga puting buhok korona nin kamurawayan.

Mga Talinhaga 2:1

Aki ko, akoon mo an gabos na itinukdo ko asin ingatan mo an mga pagboot ko.

Mga Talinhaga 23:26

Aki ko, paghinanyog nin marahay, asin gibohon mong arogan an sakong buhay.

Mga Talinhaga 31:5

Kun sinda nabuburat, nalilingawan ninda an katogonan asin napapabayaan an deretso kan mga mayong sukat.

Mga Talinhaga 4:2

An itinutukdo ko saindo marahay, kaya giromdoma nindo ini gabos.

Mga Talinhaga 4:21

Dai mo pagpabayaan na mawara ini saimo; saraya ini sa saimong puso.

Mga Talinhaga 4:5

Dai mo paglingawan o pagtalikodan an sakong mga tataramon. Hanapon mo an kadonongan asin an pakaaram.

Mga Talinhaga 8:1

Hinanyoga an pag-apod kan kadonongan asin an pagkurahaw kan pakasabot.

Mga Talinhaga 9:1

Nagtugdok kan saiyang harong an kadonongan asin naggamit siya nin pitong harigi.

Isaias 51:17

Pagmata, O Jerusalem! Pagmata asin pagbangon! Ininom mo an kalis nin padusa na ipinainom saimo nin Kagurangnan sa saiyang kaanggotan; inubos mo iyan, dangan ika nagsasayasay.

Jeremias 31:33

Siring kaini an gigibohon kong tipan sa mga taga Israel: Ibubugtak ko an sakong togon sa saindang isip saka isusurat ko iyan sa saindang puso. Ako an magigin Dios ninda, asin sinda an magigin banwaan ko.

Oseas 4:6

Mayong paglaom an sakong banwaan huli ta dai ninda ako minimidbid. Kamo man na mga padi habong magmidbid sako asin isinikwal nindo an sakong katukdoan, kaya isinisikwal ko man kamo asin dai ko man aakoon an saindong mga aking lalaki bilang mga padi ko.

Deuteronomio 4:23

Dai nanggad nindo paglingawan an tipan saindo nin Kagurangnan na saindong Dios. Otobon nindo an saiyang pagboot asin dai kamo maggibo nin ano man na ladawan na ipinapangalad niya,

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 5:16

“‘Galangan nindo an saindong ama asin ina, siring na ako, an Kagurangnan na saindong Dios, an nagboboot sa saindo, tanganing maghalawig an saindong buhay asin mapakarahay kamo duman sa daga na itinatao ko saindo.

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 8:1

“Maimbod na kuyogon nindo an gabos na togon na itinao ko saindo ngunyan tanganing mabuhay asin magdakul kamo, patin masadirihan nindo an dagang ipinanuga nin Kagurangnan sa saindong mga ginikanan.