Mga Talinhaga 29:4 - Marahay na Bareta Biblia

⁴ Kun may pagmakulog an hade sa hustisya, nagigin pusog an nasyon; alagad kun kwarta sana an saiyang pinagmamakulogan, raraoton niya an saiyang banwaan.

Mga Talinhaga 29:4 ပူးပေါင်းရင်းမြစ်များ

2 Samuel 8:15

Naghade si David sa bilog na Israel; tinawan niya nin hustisya asin katanosan an saiyang banwaan.

1 Mga Hade 2:12

Kaya nagtukaw si Solomon sa trono kan saiyang ama na si David; nagin pusog an saiyang kahadean.

2 Mga Cronica 9:8

Pag-omawon an Kagurangnan na saimong Dios, na nawiwili saimo asin nagpapatukaw saimo sa saiyang trono bilang hade sa ngaran niya. Huli ta namomotan niya an Israel asin boot niya sindang danay na atamanon, kaya ginibo ka niyang hade ninda tanganing mapadanay mo an hustisya saka an katanosan.”

An Libro ni Job 11:6

Sasabihon niya saimo an mga hilom nin kadonongan; may mga bagay na dai malaladop kan isip nin tawo.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Mga Talinhaga 14:34

An katanosan nagpapadakula sa sarong nasyon, alagad an kasalan nagtatao nin kasosopgan sa arin man na banwaan.

Mga Talinhaga 16:10

Igwa nin banal na awtoridad an hade kun siya minataram; an saiyang mga hatol gabos tama.

Mga Talinhaga 16:12

Ikinakaongis kan mga hade an paggibo nin karatan, huli ta hustisya an nagpapakosog nin sarong gobyerno.

Mga Talinhaga 20:8

Kun an hade magtukaw sa paghukom, mayo nin karatan na makakalampas sa saiyang panhiling.

Mga Talinhaga 29:14

Kun sinusurog kan hade an deretso kan dukha, maghahade siya sa halawig na panahon.

Mga Talinhaga 8:15

Tinatabangan ko an mga hade sa saindang mga palakaw asin an mga pamayo sa paggibo nin tamang mga pagboot.

Isaias 49:8

An Kagurangnan nagsasabi sa saiyang banwaan, “Pag-abot kan panahon sa pagligtas saimo, mawiwilihan taka asin sisimbagon ko an saimong agrangay. Babantayan saka iingatan taka, asin sa paagi mo makikipagtipan ako sa gabos na banwaan. Papaerokon taka giraray sa saimong daga na ngunyan raot.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Daniel 11:20

“Dangan may masalihid na sarong hade na masugo nin sarong opisyal tanganing pirit na maningil nin buhis sa mga tawo. Gigibohon niya iyan sa pagpadakul kan kayamanan kan saiyang kahadean. Dai mahahaloy, gagadanon an hadeng idto, alagad bakong sa hayag asin bakong sa gera.”

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

1 Samuel 13:13

Sinimbag ni Samuel si Saul, “Sala an ginibo mo; dai mo kinuyog an togon na itinao saimo nin Kagurangnan na saimong Dios. Kun nagkuyog ka, kutana tinugotan ka asin an saimong kapagarakian na maghade sa Israel sagkod lamang.